• USD 389.52
  • EUR 429.21
  • RUB 6.07
  • CNY 54.94
15 Қазан, 19:31:54
Сайлау қарсаңында "жоғалып кеткен" актер Шри-Ланкадан сәлем жолдады (видео)

01 Қазан, 2019 NEWS

"Үш арысқа" ескерткіш орнатылады

Елордада қазақтың үш арысы – Сәкен Сейфуллин, Ілияс Жансүгіров және Бейімбет Майлинге ескерткіштер қойылады.

Бұл туралы Нұр-Сұлтан қаласы әкімінің орынбасары Бақтияр Мәкен "Менің тілім – ұлы дала рухы" ХХІ қалалық тіл фестивалінде мәлім етті.

"Абайдың 175 жылдық мерейтойына арналған шаралар басталып кетті. Соның аясында тұңғыш рет елордамызда №87 Абай атындағы мектепті аштық. Әл-Фарабидің 1150 жылдығына орай, оның есімін Оқушылар сарайына беру жоспарланған. Биыл халықаралық деңгейдегі Жазушылар конференциясы өтті. Соның аясында Абай даңғылында Жазушылар аллеясын салдық. Сол аллеяда үш арыс – Сәкен Сейфуллин, Ілияс Жансүгіров, Бейімбет Майлиннің 125 жылдығына орай ескерткіштер орнатылады. Өзге де тұлғаларды ұлықтау үшін білім-ғылым ошақтарына белгілі қайраткерлердің есімін беруді жалғастырамыз", – деді қала әкімінің орынбасары.

Айта кетейік, "Тіл туралы" заңның қабылданғанына 30 жыл толуына орай, елордада мемлекеттік тілдің қолданылу аясын кеңейтіп, оның ұлтаралық қатынас құралына айналуына сіңірген еңбегі үшін бір топ тіл жанашыры марапатталды.

Айжан Серікжанқызы

ҚазАқпарат

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір