Суханбердиева балаларды жертөледе оқытқан

Сыбайлас жемқорлыққа қарсы іс-қимыл агенттігі Қазақстанның бұрынғы білім және ғылым вице-министрі Эльмира Суханбердиеваның және оның досы, №3 мектептің директоры Елена Шеверняеваның қылмысы туралы мәлімдеді. Ведомствоның мәлімдеуінше, олар балаларды жертөледе оқытып, сыныпты жеке пайда табу үшін қолданған.

Агенттіктің аса маңызды істер бойынша тергеушісі Ринат Аймұқановтың хабарлауынша, Суханбердиева мен Шеверняева №3 мемлекеттік мектепте өздерінің жеке мектептерін ұйымдастырып, оқушылар тығыздалып қалған.

Тергеу барысында мектепке санитарлық-эпидемиологиялық бақылау мен өрт қауіпсіздігі қызметін жіберген, ал олар ережелердің бұзылғанын анықтаған.

"Гимназияның 48 оқу сыныбының 10-сыныбы жеке мектепке жалға берілген және тағы 5 сынып қосылған. Сонымен қатар, бұл мектепте тығыздық бірнеше жылдан бері байқалады. Дерек бойынша зер салсақ, 2018-19 оқу жылында тығыздық көрсеткіш 20% -дан асты.

Шеверняева одан өзге бірге мемлекеттік органдарға мектепте әлі де оқу бөлмелерін жалға беру мүмкіндігі бар екендігі туралы мәліметтерді ұсынған. Аталмыш қылмыс оқушылар мен олардың ата-аналарының мүдделерін бұзумен жасалғаны белгілі болды.

Мемлекеттік мектеп оқушылары сыныптың жетіспеушілігінен жертөледе оқуға мәжбүр болған. Ол туралы тергеуші «АӘД және ұлдарға арналған технология сабағында оқушылар жертөлеге орналастырылған», – деді.

Сондай-ақ кәсіп үшін мектептің кейбір сыныптары өрт қауіпсіздігін толығымен бұзған.

Соңғы 3 жыл ішінде №3 мектепте ата-аналарға балаларын мемлекеттік мектепке қабылдаудан бас тартқаны туралы фактілер анықталды. Көрсетілген мәліметтерде орындардың болмауымен байланыстырады.

Тергеушінің айтуынша, мектепке шағым түскен кезде Шеверняева Суханбердиеваға бұл туралы хабарлайды. Ал ол білім бөліміне ықпалын тигізіп, құқығы жоқ болса да шағымдарды "өз бақылауына алған".