Сапарбаев: "Сіздер Гиппократ антын бердіңіздер"

Еңбек және халықты әлеуметтік қорғау министрі Бердібек Сапарбаев  Атырау облыстық  облыстық перинаталдық орталықтағының ұжымымен кездесті деп хабарлайды Qamshy.kz ақпарат агенттігі Атырау облысының өңірлік коммуникациялар қызметінің дерегіне сүйеніп.

Кездесу барысында Бердібек Сапарбаев: «Сіздер өз жұмыстарыңызды бір минутқа болсын тоқтатпау керексіздер. Науқастарды әріқарай емдеуді жалғастыру керексіздер. Себебі сіздер Гиппократ антын бердіңіздер. Біз сіздерден өз кәсіби істеріңізді адал атқаруларыңызды сұраймыз. Атырау облысының басшылығына перинаталдық орталықтағы орын алған жағдайды өз бақылауына алуын тапсырамын».

Сапарбаевтың сөзінше, қылмыстық іс заңға сүйене отырып жүргізіледі және ол жұмыс барысына еш әсер етпейтін болады. 

Жақында ғана Атырауда дәрігерлері нәрестені тоңазытқышқа тығып өлтірген облыстық перинаталдық орталықтағы сұмдық жағдай халықтың назарына ілінген болатын. Осы оқиғадан кейін 31 дәрігер жұмыстан кету туралы арыз жазған болатын.