• USD 389.52
  • EUR 429.21
  • RUB 6.07
  • CNY 54.94
20 Қазан, 20:52:33
Назарбаев: "Нұр Отан" халықты мазалайтын мәселелерге араласпайды

11 Қазан, 2019 NEWS

Назарбаев: Кімді жаулап жатыр?

Ұлт көшбасшының айтуынша, бірлескен кәсіпорын салғанда үкіметтер нақты қанша маманның келетінін анықтап, бекітеді.

 Елбасы Н.Назарбаев қытайлық қатерге қатысты өз пікірін білдірді, – деп хабарлайды Qamshy.kz ақпарат агенттігі.

"Мен "Қытай бізді жаулап жатыр" деген сияқты әңгімелерді жиі еститін болдым. Кімді жаулап жатыр? Қалай жаулап жатыр? Қазақстанның жерін біреу вагонға тиеп, алып кете ме?", – деді Назарбаев "Хабар" арнасына берген сұхбатында.

Осы орайда тұңғыш президент қытай кәсіпорындарын салу бойынша қандай келісімнің болғанын айтып берді.

"Қытай басшылығымен нақты келісім бар. Біз бірлескен кәсіпорын салғанда үкіметтер нақты қанша маманның келетінін анықтап, келісіммен бекітеді. Нысанның құрылысы аяқталғаннан кейін бәрі кетуі керек. Кезінде Ху Цзиньтао да кеткісі келмесе бізге айтыңдар деген. Бәрін алып кетеміз деді. Сондықтан фантомды үрейді таратудың қажеті жоқ. Ескі кәсіпорындарды ешкім көшіріп жатқан жоқ. Біз жетекші кәсіпорындарды, Қазақстан экономикасына қажетті нысандарды ғана таңдаймыз", – деп атап көрсетті Назарбаев.

Қазақстанның тұңғыш президенті айтуынша, қазіргі кезде Қытайда қаражат көп. Оны бәрі алғысы келеді.

"Ал олардың бізге деген қарым-қатынасы жақсы. Жалпы, мен Қытайдың барлық басшысымен жақсы қарым-қатынаста болдым. Оны қазіргі төраға Си Цзиньпин де растап отыр. Біз осыны пайдалануымыз қажет. "Жібек жолы" жобасын қолдадық. Себебі осы жоба біз үшін тиімді. Мәселен, қазірдің өзінде Қазақстан контейнерлік тасымалдың арқасында біраз пайда тауып жатыр. Осы транзитпен жыл сайын 5 миллиард доллар табатын боламыз", –  дейді Назарбаев.

 

 

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір