Семейде "Екі жұлдыз" атты фестиваль өтті

Қалада мүмкіндігі шектеулі балалар мен ересектер арасында "Екі жұлдыз" VI вокалдық фестивалі өтті.

Қалалық мәдениет сарайы сахнасында  мүмкіндіктері шектеулі жандар мен  кәсіби әртістер өнер көрсетті. Фестиваль аймақтық деңгейде өткізілуде. Зайсан, Жарма, Үржар және Аягөз аудандарынан келген қатысушылар, сондай-ақ жергілікті арнаулы әлеуметтік қызмет көрсету орталығының өкілдері көрермендерді өнерлерімен тәнті етуге жиналды. Фестивальдің мақсаты – мүмкіндігі шектеулі адамдар арасында шығармашылықты дамыту, оларды әлеуметтендіру және қоғамға бейімдеу.

Айта кету керек, бұған дейін іс-шара тек балалар байқауы түрінде өткізілді. Алайда биылғы жылы вокалдық фестивальді өткізу және форматты өзгерту енгізілді. Ұйымдастырушылардың айтуынша, балаларды бағалау өте қиын болды. Сонымен қатар, фестивальге алғаш рет балалар ғана емес, ересектер де қатысты.

– 2018 жылға дейін біз "Екі жұлдыз" байқауын өткіздік. Бірақ балаларды бағалау өте қиын болды. Биыл біз форматты өзгертіп, тек вокалдық фестивальді ұйымдастырып отырмыз. Менің ойымша, балалардың сахнаға шығып, әннің сөзін үйренгені үлкен жетістік. Гала-концертке мүмкіндігі шектеулі 22 адам мен 18 тәлімгер қатысты. Барлығы 40-қа жуық қатысушы. Олардың барлығы алдыңғы байқаулардың дипломанттары, – дейді қалалық арнаулы әлеуметтік қызмет көрсету орталығының директоры Рымжан Тынысова.

Фестивальдің қатысушыларымен дуэтте Қалалық мәдениет үйінің кәсіби әртістері өнер көрсетті. Вокалистер фестиваль қатысушыларына кеңестер беріп, олардың шығармашылығын әрдайым қолдап келеді.

– Балалар үшін сахнаға шығу қиын емес. Олардың әрқайсысы өнер көрсетуге дайын, өйткені біздің орталықта вокалдық үйірмелер ұйымдастырылған. Онда біз олардың шығармашылық мүмкіндіктерін дамытамыз, – дейді Рымжан Тынысова.

"Екі жұлдыз" байқауы қалада 2014 жылдан бастап өткізіледі. Оны жыл сайын өткізудің бастамашысы қалалық арнайы әлеуметтік қызмет көрсету орталығының өкілдері . Олар байқауға қатысушылардың таланттарын ашуға, олардың вокалдық мүмкіндіктерін дамытуға және өз күшіне деген сенімін арттыруға ұмтылады.

Семей қаласының ақпараттық орталығы