• USD 389.52
  • EUR 429.21
  • RUB 6.07
  • CNY 54.94
22 Қараша, 11:49:35
Қазақстан Украинаның сауда нарығына алаңдаулы

16 Қазан, 2019 NEWS

Тоқаев: Саясатқа өзгеріс енгізу керек

Қасым-Жомарт Тоқаев Ақордада өткен экономикалық мәселелер жөніндегі отырыста бірқатар тапсырма берді

Президент  Ұлттық қордан бөлінетін трансферттерді біртіндеп азайту қажеттігін ескертті.

Мемлекет басшысының айтуынша, қордағы қаражатқа аса қажеттілік туындаған жағдайда ғана жүгіну керек.

"Үкімет бірінші кезекте республикалық бюджеттің кіріс бөлігіне назар аударуы қажет. Ұлттық банк Ұлттық қордағы инвестициялық табыстың түсімін арттыру мақсатында қаражатты басқару жолдарын қайта қарастыруға міндетті. Активтерді дұрыс басқару Ұлттық қордың көлемін айтарлықтай арттыра алады", – деді мемлекет басшысы.

Сондай-ақ Президент банктердің жұмысын да сынға алды. Олар әлдеқайда көп табыс табу үшін ресурсын тұтынушылық кредитке бағыттайды. Демек, бизнесті несиелендіру көлемі азаяды. Тоқаев Ұлттық банктегі аталмыш саясатқа өзгеріс енгізуі керек екенін айтты.

"Ұлттық банк осы саясатқа шұғыл өзгеріс енгізуі тиіс. Қаржы реттеушісінің мәліметі бойынша, экономиканың әр секторының 50 пайыздан астамы – банктердің мүддесін көздейтін орнықты әрі қаржылай тәуелсіз кәсіпорындар. Алайда, олар банк несиелерін тартуға құлықсыз. Неге? Мүмкін коммерциялық банктер белгілейтін шарттарды ол кәсіпорындар тиімсіз деп санайтын шығар. Ұлттық банк алдында қаржы секторының тұрақтылығын қамтамасыз ету немесе нақты секторды несиелеуді дамыту таңдауы тұр. Сондықтан тиімді шешім қабылдауы керек, – деді президент.

Ақша-кредит саясатының стратегиясы

Президент 2030 жылға дейінгі ақша-кредит саясатының стратегиясын жасауды тапсырды. Қасым-Жомарт Тоқаев Ұлттық банкті коммуникация мен ақпараттық-түсіндіру жұмыстарын жақсартуға шақырды. Бұл өз кезегінде нарыққа қатысушылар мен тұрғындардың сенімін арттырып, девальвацияға қатысты түрлі "болжамның"алдын алады.

Ақордада өткен отырыста елдің әлеуметтік-экономикалық дамуының қорытындысы, ақша-кредит саясатын жүзеге асыру, атаулы әлеуметтік көмек реформасы мен әлеуметтік мәселелер талқыланды.

 

 

 

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір