• USD 389.52
  • EUR 429.21
  • RUB 6.07
  • CNY 54.94
07 Желтоқсан, 22:21:59
Қазақстан Украинаның сауда нарығына алаңдаулы

16 Қазан, 2019 Аймақтар

Андас Батыр ауылында өрт сөндіру бекеті ашылды

Өрт – тілсіз жау. Тосыннан туындайтын төтенше жағдайда адам мен мал-мүлік шығынын болдырмас үшін жедел қызметтің жуық арада орналасуы аса маңызды. Осыған орай, Жамбыл облысының шалғай жатқан елді мекендерінде өрт сөндіру бекеттері құрылуда. Соның бірі жуырда Меркі ауданының Андас батыр ауылында ашылды.

Аудан бюджетінің шағындығын ескере отырып, Меркі ауданы әкімінің келісімімен 2019 жылы Андас Батыр ауылында өрт сөндіру бекетін кезең-кезеңмен құру жоспары жасалып, облыс әкімінің бірінші орынбасары бекітілді. Аудандық бюджеттен бекетті ұстау үшін 5 млн. 244 мың теңге бөлінді. Аталған бекет алты штаттық қызметкерлермен жасақталған.

Ресімдеу және материалдық-техникалық базаны құру жұмыстары толық аяқталған соң Андас батыр ауылында өрт сөндіру бекетінің ашылу салтанаты өтті.

Жаңа өрт сөндіру бекетінің ашылу іс-шараларына Меркі ауданы әкімінің орынбасары Мейіржан Сүлейменов, Андас батыр ауылдық округі әкімі Бейбіт Мазиев, Жамбыл облысы Төтенше жағдайлар департаментінің Меркі ауданы Төтенше жағдайлар бөлімі мен өрт сөндіру бөлімінің қызметкерлері, сондай-ақ Андас Батыр ауылының тұрғындары қатысты.

Өрт сөндіру бекеті Андас батыр ауылдық округі әкімдігі аппаратының ғимаратында орналасқан. Онда демалу бөлмесі, телефон байланысымен қамтамасыз етілген диспетчерлік бөлме және өрт сөндіру автомобиліне арналған жылы бокс бар.

Жаңадан құрылған өрт сөндіру бекетінің командасы жануға шығып қана қоймай, олардың жауапкершілік аймағында болып жатқан басқа да төтенше жағдайларды жоюға қатысады, қиын жағдайға тап болған адамдарға көмек көрсетеді, халыққа көмек көрсетеді, сондай-ақ алдын алу жұмыстарымен айналысады.

Өрт сөндіру бекетінің жауапкершілік аймағында 20 шақырым радиуста 8 мыңнан астам тұрғыны бар 7 елді мекен орналасқан.

Облыстық ТЖД Меркі ауданы төтенше жағдайлар бөлімі мен өрт сөндіру бөлімі қызметкерлері бекетінің ашылу салтанаты аяқталғаннан кейін өрт сөндіру бекетінің жеке құрамымен шартты өртті сөндіру бойынша теориалық және практикалық сабақтар өткізді, жаттығулар барысында олардың өрт кезіндегі іс-әрекеттері, өрт кезінде өрт автокөлігінен су беру және су көздерінен су алу амалдары пысықталды.

«Өрт сөндіру бекеттерін құру жұмыстары тұрақты бақылауда және одан әрі жалғасатын болады» – дейді облыстық Төтенше жағдайлар департаментінің мамандары.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір