• USD 389.52
  • EUR 429.21
  • RUB 6.07
  • CNY 54.94
13 Желтоқсан, 19:41:40
Қазақстан Украинаның сауда нарығына алаңдаулы

18 Қазан, 2019 Саясат

"Ақымақ болмаңыздар!" АҚШ президенті Түркия басшысына хат жолдады

АҚШ президенті Дональд Трамптың Түркия басшысы Режеп Тайып Ердоғанға 9 қазанда жолдаған хаты жарияланды. Хаттың көшірмесін журналист Триш Реган бөлісті. Кейін Ақ үй бұл хатты Трамп жазғанын растады.

Трамп хатында "егер Анкара Сирияның солтүстік-шығысында әскери операция бастаса, Түркия экономикасын жойып жіберетінін" жазған.

Дональд Трамп хаты

"Егер барлығын дұрыс әрі адамгершілікке сай жасасаңыздар тарихта жақсы аттарыңыз қалады. Бірақ іс насырға шапса, тарихқа жауыз болып енесіздер. Ақымақ болмаңыздар! Кейін хабарласамын" деп жазған Трамп.

9 қазанда Түркия Сирияның солтүстік-шығысында әскери операция бастаған. Түркия президенті Режеп Тайып Ердоғанның сөзінше, бұл операцияның мақсаты - "ДАИШ террорлық ұйымымен және күрдтердің қарулы жасақтарымен күрес". Анкара осы операция арқылы Сирияның солтүстік-шығысында қауіпсіз аймақ құрып, Түркиядағы сириялық босқындарды осы аумаққа орналастырғысы келеді.

Халықаралық ақпарат агенттіктері 9 қазаннан бері Сирияның солтүстігінен 150 мың адам босып кеткенін хабарлады. Түркия операция бастаған күні Трамп әкімшілігі АҚШ бұл операцияға қатыспайтынын мәлімдеп, Америка әскері Сирияның солтүстік-шығысын тастап кете бастаған.

Сириялық күрдтер – АҚШ-тың "Ислам мемлекеті" террористік тобымен күресте негізгі серіктесі. Ал Түркия күрд жасақтарын "террорлық топ" деп санайды.

2016 жылы күрдтер Сирияның солтүстік аймағына бақылау орнатып, "Роджаба – Солтүстік Сирия" федеративті аймағын құрғанын жариялаған. Күрдтер құрған аймаққа Жазира, Кобани және Африн қалалары енген.

"Азаттық" радиосы

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір