• USD 389.52
  • EUR 429.21
  • RUB 6.07
  • CNY 54.94
15 Қараша, 03:30:29
Қазақстан Украинаның сауда нарығына алаңдаулы

09 Қараша, 2019 NEWS

Көкшетау мектептерінің бірінде белгісіз дерт жайлады

Көкшетауда мектепті белгісіз дерт жайлады деп хабарлайды Qamshy.kz ақпарат агенттігі ktk.kz сайтына сілтеме жасап.

Көкшетауда бір күнде 80 бала ауырып мұрттай ұшты. Қала орталығындағы №2 мектепте бүгін 260 оқушы сабаққа келмей қалды. Кешеден бері аяғынан тік тұрған дәрігерлер үй-үйді аралап, мектептегі балаларды да бастан-аяқ тексеруге кіріскен. Олардың барлығы жүрегі айнып әлсірепті.

Кеше болған сырқат белгілері оқушыларда бүгін де байқалған. Ұстаздар ата-аналарын шақырып дәрігердің қарауына жіберіп жатыр. Бұл – қала орталығындағы 2200-ге жуық оқушысы бар ең үлкен мектеп. Бір сәтте 80 оқушы ауырып қалғанда мектеп басшылығы дабыл қаға бастаған. Санитар мамандар мектеп асханасынан қажетті сынамалар алыпты. 

Гүлнар Әбдіқасымова, мектеп директоры: - Бүгін 260 оқушы мектепке келмей қалды. Көбін атааналары қауіптеніп жібермей қалған. Солай деп мектепке хабарласты. Бұл жағдайдың неден болғанын айта алмаймыз. Асханада улануы мүмкін емес. Барлық балалар тамақ ішіп жүр ғой. Қажетті тексеру жұмысын ұйымдастырып жатырмыз. 

Оқушылармен бірге екі мұғалім де науқастанып қалған. Іші ауырып, құсып, басы айналып мектепке келе алмағандарды дәрігерлер қарап жатыр. Сабақ үстінде де балалардың денсаулығын тексеруде.

Мәдина Сағымбаева, терапевт: - Кеше мектепте 300, бүгін 150 баланы қарап үлгердік. Ауру белгілері байқалмады. Жағдайлары жақсы. Сырқаттанып қалған балалар анализ тапсырып жатыр. Оқушыларды түгел қарап шығамыз, әзірге нақты диагнозын айта алмаймыз.

Білім ошағын дүрліктірген дерттің себеп салдарын санитар мамандар анықтап жатыр. Асханадағы тағамнан сынамалар алып, балалар анализ тапсыруға жіберілген. Сондықтан дәл қазір диагнозды дөп басып айту қиын дейді мамандар. Вирустық инфекция ма, әлде улану ма, ол енді сараптама қорытындысынан кейін белгілі болады.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір