• USD 389.52
  • EUR 429.21
  • RUB 6.07
  • CNY 54.94
18 Қаңтар, 15:11:45
Қазақстан Украинаның сауда нарығына алаңдаулы

13 Желтоқсан, 2019 Барлық аймақтар

Қасым-Жомарт Тоқаев «Сарыөзендік Суперменді» «Шапағат» медалімен неге марапаттады?

Тәуелсіздік күні қарсаңында «Nur Otan» партиясының Орталық аппаратында еліміздің әлеуметтік-экономикалық және мәдени дамуына қосқан елеулі үлесі, жемісті қоғамдық қызметі үшін партияның белсенді мүшелері мемлекеттік және партиялық наградалармен марапатталды.

Бауыржан Байбек, Миниагзам Авляримов

«Тәуелсіздіктің алғашқы жылдарында аға буын өкілдерін егемендігімізді сақтап, елдігімізді нығайтып, еңсемізді тіктей аламыз ба деген ойлар мазалағаны рас.  Сол кезде кәсіпорындар жабылып, жаппай жұмыссыздық орын алды. Халықтың тұрмыс-тіршілігі ауыр болды. Тұңғыш Президент Нұрсұлтан Назарбаевтың табандылығы мен өз халқына деген қалтқысыз қызметінің арқасында аз уақыт ішінде қиындықтарды еңсере білдік. Қажетті нарықтық реформалар жүргізіліп, 300 миллиард доллардан астам тікелей шетелдік инвестиция тартылды. Барлық халықаралық қауымдастық мойындаған мемлекеттік шекарамыз бекітілді. Мыңдаған шақырым жол мен мектептер, ауруханалар салынды. 90-шы жылдары қазақстандықтардың үштен бірінен астамы кедейлік шегінде өмір сүрсе, бүгінде бұл көрсеткіш 4,6% -ға дейін төмендеді. Біз бүгін ең қасиетті мерекеміз – Тәуелсіздік күні қарсаңында мемлекеттілігіміздің дамуына, қоғамдық татулық пен тұрақтылықты, ауызбіршілікті сақтай отырып, Елбасының мемлекеттік бағыты төңірегінде топтасуға атсалысқандарды құттықтауға жиналдық», - деп атап өтті партия төрағасының бірінші орынбасары Бауыржан Байбек.

Бауыржан Байбек марапатталғандардың арасында Қарағанды ​​облысындағы шалғай жатқан Тікенекті ауылының 82 жастағы тұрғыны Миниагзам Авляримовты ерекше атап өтті. 1111

Жарты ғасырдай ДТ-75 тракторын тізгіндеген қария, ауыл тұрғындарына күн сайын көмек қолын созуға әзір. Жазда барлық мұқтаж ауылдастарына қысқы мал азығын жинауға, шөп шабуға жәрдемдеседі. Өзендегі судың деңгейін бақылап, бөгеттердің бұзылмауын қадағалап жүреді. Ал қыста ауыл халқы 300 шақырымнан асатын қашықтықтағы аудан орталығына қиналмай жетуі үшін жолдарды қардан тазартады. Осының барлығын ақсақал тегін жасайды. Ешкімнен, ешқандай ақы алған емес. Осындай істері үшін ауыл балалары оны «Сарыөзендік Супермен» деп атап кетті.

Қария туралы жаңалықтардан естіп, білген ел Президенті Қасым-Жомарт Тоқаев «Сарыөзендік суперменді» «Шапағат» мемлекеттік медалімен марапаттауды арнайы тапсырды.

«Күш-жігерім бар кезде жұмыс істей беремін. Отаның мен халықтың игілігі үшін талмай еңбек етсең, күш-қуатың да сарқылмайды. Осыдан 60 жыл бұрын Сарыөзен совхозына тракторшы болып жұмысқа орналастым, қазір бұл ауыл Тікенекті деп аталады. Осы ауылда отбасын құрып, бес бала тәрбиелеп өсірдім. Өзімнің DT-75 тракторымды Дос-Темір деп атаймын. Бұл темір дос дегенді білдіреді. Өмірімді тракторсыз мүлдем елестете де алмаймын. Оның моторының дауысы, маған жүрек қағысы секілді естіледі. Ешқашан атаққа ұмтылып, ешкімнен марапат сұрап көрмеппін. Бар ойым, адал еңбек жолыммен жастарға үлгі бола алсам екен деймін», - дейді Миниагзам ата. 1111

Салтанатты рәсім барысында ел Президентінің атынан «Құрмет» орденімен «Болашақ» корпоративтік қорының төрайымы Динара Шайжүнісова марапатталды. «Кедергісіз келешек» партиялық жобасының аясында Қор еліміздің барлық 17 аймағында инклюзивті білім берудің 43 кабинетін ашты. Инклюзия саласына бейімделген 420 арнайы жұмыс орны ашылды. Ерекше қажеттілігі бар балалардың құқықтарын қорғау мақсатында, тек «Болашақ» қорының мүшелері заңнамалық актілерге инклюзивті білім беруді дамыту мәселелері бойынша 60-тан астам сапалы ұсыныс пен түзету енгізді.

«Қассиетті жол» қоғамдық қорының негізін қалаушы Динара Закиева да «Құрмет» орденіне лайық деп танылды. Ол басқаратын ұйым сал ауруына шалдыққан балаларға қолдау көрсетуге қатысты бірқатар сәтті жобаларды жүзеге асырды. «Бақытты отбасы» және «Кедергісіз келешек» партиялық жобалары аясында көпбалалы отбасылар мен ерекше қажеттілігі бар жандарға бірлескен қолдау көрсетіліп келеді.

«Ерен еңбегі үшін» мемлекеттік медалі «ДОС» Тәуелсіз өмір орталығы» мүгедектер қауымдастығы директорының орынбасары Ардақ Оторбаевқа табысталды. Бірнеше ай бұрын ол арбасындағы би халықаралық турнирінде күміс медаль жеңіп алған еді.  

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір