• USD 468.56

  • EUR 497.56

  • RUB 7.3

  • CNY 67.18

29 Наурыз, 02:27:43
Алматы
+35°

Киелі Әулиеата өңірінде аймақтық «Кітап оқып, рухани бай бол!» байқауы өз мәресіне жетті. Қазан айында бастау алған байқауда өңірдің барлық аудандары мен Тараз қаласынан 55 қатысушы бақ сынады. Бұл білім бәсекесі Қазақстан Республикасының Ақпарат және қоғамдық даму министрлігінің бастауымен еліміздің барлық облыстарында өтуде. Айта кету керек, аталмыш байқау тұңғыш рет 2018 жылы Жамбыл облысында белгілі журналист, Тараз қалалық «Jambyl-Taraz» саяси-қоғамдық газетінің директор-бас редакторы Эльмира Мырза-Ғалидың бастамасымен қолға алынған еді.

Қоғамда рухани сілкініс тудырған жоба министрлік тарапынан қолдау алып, басқа аймақтарда да жалғасын табуда. Кезекті кітап оқу жарысын Жамбыл облысының «Рухани жаңғыру» жобалық офисі мен Ш.Уәлиханов атындағы облыстық әмбебап ғылыми кітапханасы бірлесіп ұйымдастырды.

Ережеге сәйкес байқау 2 кезеңге, 2 категорияға бөлінген. Байқау қатысушыларына арнайы белгіленген 43 кітап ұсынылды. 1-ші кезеңнен сәтті өткен 22 қатысушы ақтық сында өздері таңдап оқыған кітаптардан қойылған сұрақтарға жауап беріп, жеңімпаздар анықталды. 15 жасқа дейінгі қатысушылар арасынан ІІІ орынды Жамбыл ауданы, Бірлесу-Еңбек орта мектебінің 9 сынып оқушысы Жолдыбай Елдос, ІІ орынды Жамбыл ауданы, Бірлесу-Еңбек орта мектебінің 7 сынып оқушысы Жахан Саида, І орынды Тараз қалалық №48 Т.Рысқұлов атындағы орта мектебінің 6 сынып оқушысы Мұхтар Амина иеленді. Ал, 15 жастан жоғарғы қатысушылар арасында ІІІ орынды Тараз қаласы, Жамбыл политехникалық жоғарғы колледжінің 2 курс студенті Ақнұр Баширова, ІІ орынды Меркі ауданы, №6 орта мектебінің 10 сынып оқушысы Диана Жексенбиева, І орынды Тараз қалалық №54 орта мектебінің 10 сынып оқушысы Әсіл Аяжан иеленді.

Барлық қатысушылар мен жетекшілеріне алғыс хаттар, жеңімпаздарға бағалы сыйлықтарды табыс етілді. Жүлдегерлерді Жамбыл облыстық «Рухани жаңғыру» жобалық офисінің басшысы Зарина Қуатова марапаттады. Жастар арасында кітап оқу мәдениетін дамытып, үздік көркем әдеби шығармаларды танымал ету мақсатында өткен шара алдыңғы уақытта да жалғасын табатын болады.

"Қамшы" сілтейді
Ілмек сөздер: Жамбыл облысы

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір