Ұшақ апаты себебінің үш нұсқасы аталды

Ішкі істер министрі Ерлан Тұрғымбаев Bek Air әуекомпаниясы ұшағының апатқа ұшырау себептері туралы айтты, деп жазады Qamshy.kz ақпарат агенттігі tengrinews.kz сайтының дерегін негізге алып.

ІІМ-нің тергеу тобы Алматыда болған әуеапатын тергеп жатыр. Қазіргі таңда үш нұсқа қаралуда. Бірінші: экипаж қателігі. Екінші: ұшақтағы техникалық ақау. Үшінші: навигациялық қызмет жұмысы, деді ведомство басшысы үкімет отырысы кезінде тілшілерге.

Бүгінде апат орны тексеріліп, әуе кемесін бөлшектеу жұмыстары жүріп жатыр. Ұшақ әуежай аумағына жеткізіліп, сол жерде мұқият тексерілмек.