Экс-депутат Камал Бурханов өмірден озды

20 қаңтарда Қазақстан Парламенті мәжілісінің экс-депутаты, саясаттанушы Камал Бурханов өмірден өтті. Бұл ақпаратты Парламент сенатының депутаты Мұрат Бақтиярұлы фейсбуктегі парақшасында хабарлады. Оның жазуынша, Камал Бурханов екі жылдан бері төсек таратып ауырып жатқан.

Камал Бурханов 1954 жылы 31 наурызда Ташкент облысы Янгиүл ауданы Шуролисай ауылында туған. Ташкент мемлекеттік университетін, Мәскеу мемлекеттік әлеуметік университетін бітірген. Саяси ғылымдарының докторы, профессор. Еңбек жолын 1977 жылы Ә.Қастеев атындағы өнер музейінің ғылым қызметкері болып бастаған ол, 2007 жылға дейін түрлі лауазымдағы қызметтерді абыроймен атқарған. Ол 2007-2011, 2012-2016 жылдары мәжілісте депутат болды.