Елордадағы барлық әуе рейстері тоқтатылды

Әуе рейстері ауа райының қолайсыздығына байланысты уақытша тоқтатылған, деп жазады ҚазАқпарат.

Қалалық төтенше жағдайлар департаментінің хабарлауынша, 27 қаңтар күні Нұр-Сұлтанда қар жауып, боран соғады. Оңтүстік-батыстан соққан желдің жылдамдығы 15-20, кей жерде 23-28 м/с жетуі ықтимал.

Елордадағы ақтүтек боран 22 қаңтардан 23 қаңтарға қараған түні басталған еді. Ақ түтек боран мен қалың қар қалада қозғалысты қиындатып жіберді. Сондай-ақ, 27 қаңтарда ауа райының қолайсыздығына байланысты қала мектептерінің бірінші және екінші ауысымындағы 0-11 (12) сынып оқушылары мен колледждің барлық курс студенттері үшін сабақ болмайды.