• USD 389.52
  • EUR 429.21
  • RUB 6.07
  • CNY 54.94
21 Ақпан, 12:09:21
Шыңжаңдық дүнген: Дереу қазақтардан кешірім сұраңдар! (аудио)

07 Ақпан, 2020 NEWS

Маңғыстау облысында департамент басшысының орынбасары ұсталды (видео)

Маңғыстау облысының Еңбек және халықты әлеуметтік қорғау департаменті басшысының орынбасары сыбайлас жемқорлық қылмысын жасады деген күдікке ілінді. Тіпті, шенеуніктің ұсталған сәтіндегі видеосы да жарияланған.

Фото: stan.kz

Бұл туралы Qamshy.kz ақпарат агенттігі Сыбайлас жемқорлыққа қарсы іс-қимыл агенттігінің баспасөз қызметі дерегін негізге алып хабарлайды.

«Маңғыстау облысы бойынша Сыбайлас жемқорлыққа қарсы қызметі Маңғыстау облыстық Еңбек, әлеуметтік қорғау және көші-қон Департаменті басшысының орынбасарына қатысты сыбайлас жемқорлық қылмысын жасады деген күдікпен сотқа дейінгі тергеуді бастады», - делінген хабарламада.

Аталған агенттік баспасөз қызметі өз хабарламасында шенеуніктің не себепті күдікке алынғанын да атап өткен. Яғни, облыстық еңбек және халықты әлеуметтік қорғау департаменті басшысының орынбасары азаматтардан мүгедектікті беруді заңсыз жеделдеткені үшін жүйелі түрде пара алып отырған деп күдікке ілінген.

Осы ретте, күдіктінің кінәсін мойындап, қорғаушының қатысуымен келу туралы жазбаша міндеттемені алғаны үшін процессуалдық ұстау қолданылмаған.

 

 

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір