15 Наурыз, 2020 NEWS
Шұғыл: Қорғас жұмысы тоқтатылады
Елде коронавирус індетінің анықталуына байланысты 15 наурыздан бастап «Қорғас» жұмысы тоқтатылмақ. Әрі бұндай қатаң шектеу тәртібі облыстың бас мемлекеттік санитарлық дәрігерінің ерекше өкімі шыққанға дейін жалғасады.
Фото: atameken.kz
Бұл туралы Qamshy.kz ақпарат агенттігі Алматы облысы әкімінің баспасөз қызметіне сілтеме жасап хабарлайды.
Белгілі болғандай, елдегі коронавирус инфекциясының лабораториялық дәлелденген жағдайының тіркелуіне байланысты оның облыс аумағына келуі мен таралуына жол бермеу мақсатында Алматы облысының бас санитар дәрігері Қайрат Баймұхамбетов «Алматы облысында коронавирус инфекциясының келуі мен таралуына жол бермеу жөніндегі шараларды күйшейту туралы» қаулы қабылдады.
Бұл қаулы тиісті заңнамаларға және ҚР Денсаулық сақтау министрі мен Алматы облысының әкімімен бекітілген «Қазақстан Республикасында коронавирус инфекциясы анықталған және таралған жағдайда әрекет ету алгоритміне» сәйкес қабылданды.
Қаулыда «Қорғас» ХШЫО жұмысын 15 наурыздан бастап тоқтату және «Қорғас» ШХЫО-ның облыстың бас мемлекеттік санитарлық дәрігерінің ерекше өкімі шыққанға дейін жабық болатыны туралы айтылған. Сол сияқты қаулыға сәйкес барлық өндірістік ғимараттарда санитарлық-дезинфекциялық күшейтілген режим жүргізіледі.
«Азаматтар жаппай және ұзақ мерзім болатын ғимараттарда қол жууға арналған дезинфекциялаушы құралы бар жабдықтар (санитайзерлер) орнатылуы тиіс», - деп жазылған қаулыда.
Оқи отырыңыз: "Қорғас» ШЫХО қазақстандық бөлігінің жұмысы уақытша тоқтатылады
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір