17 Наурыз, 2020 NEWS
Көрнекі сурет
Венгрия астанасы Будапешт қаласында Қазақстанның бір азаматы коронавирус жұқтырды. Бұл туралы Қазақстан сыртқы істер министрлігі хабарлады.
Министрлік таратқан хабарламада вирус жұқтырған әйел адам екені айтылған.
"16 наурызда Қазақстанның Венгриядағы елшілігіне Қазақстанның бір азаматы коронавирус күдігімен жергілікті ауруханалардың біріне жатқызылғаны туралы хабар түсті. Жүргізілген медициналық талдаулардың нәтижелеріне сәйкес, одан коронавирус табылды. Қазіргі уақытта ол азаматтың денсаулығы тұрақты, ауруханада емделіп жатыр. Аталған жағдай қазақстандық дипломаттардың ерекше бақылауында" делінген ведомство таратқан хабарламада.
Бұған дейін Германияда жүрген Қазақстан азаматынан да вирус табылғаны хабарланған. Ал Қазақстанның өзінде соңғы ақпарат бойынша, барлығы 27 адамнан вирус табылды. Олардың 11-і Алматыда, қалған 16-сы Нұр-Сұлтандағы ауруханада жатыр.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір