• USD 389.52
  • EUR 429.21
  • RUB 6.07
  • CNY 54.94
01 Сәуір, 17:04:10
Шыңжаңдық дүнген: Дереу қазақтардан кешірім сұраңдар! (аудио)

25 Наурыз, 2020 Барлық аймақтар

«Birgemiz» Қоғамдық қорының негізгі 10 қағидаты анықталды

Коронавирусқа қарсы күрес жағдайында мұқтаж жандарға қолдау көрсетуді ұйымдастыруда басшылыққа алынатын негізгі 10 қағидат бекітілді

qamshy.kz

Елбасы, «Nur Otan» партиясының Лидері Нұрсұлтан Назарбаевтың бастамасымен құрылған «Birgemiz» Қоғамдық қорының Қамқоршылар кеңесі отырысының 2020 жылғы 23 наурыздағы № 3 хаттамасымен коронавирусқа қарсы күрес жағдайында мұқтаж жандарға қолдау көрсетуді ұйымдастыруда басшылыққа алынатын негізгі 10 қағидат бекітілді.

1. Ерікті жарналар мен қайырмалдық көмек. Барлық қайырымдылықты бизнес өкілдері тек жеке қаражаты есебінен ерікті түрде жасайды. Бюджеттік ұйымдардан, сондай-ақ жалақыдан аударымдар қабылданбайды.

2. Адрестілік. Тікелей жеке қолдау халықтың әлеуметтік әлсіз топтарына (жасына байланысты COVID-19 жұқтыру қаупі жоғары жандарға, коронавирустың зардабын шеккен және әлеуметтік-экономикалық қиындықтарға ұшыраған тұрмысы төмен қазақстандықтарға) көрсетіледі. Санаттар нақтылануда. Көмек елдің індет жұқтыру қаупі жоғары ірі қалаларының тұрғындарына беріледі. nurotan

3. Көмектің әділдігі. Көмек алушылардың тізімін анықтауда субъективті пайымдаулар мен дауларды болдырмау үшін Қор заңнама талаптарына және мемлекеттік органдардың (министрліктер мен әкімдіктердің) ресми деректеріне сүйенеді.

4. Қолма-қолсыз және байланыссыз көмек. Барлық төлемдер, транзакциялар, есеп айырысулар тек қолма-қол ақшасыз үлгіде жүзеге асырылады, бұл қаржы жұмсалымдарының ашықтығы мен айқындығын қамтамасыз етеді.

5. Қор қызметінің уақыт бойынша шектелуі. Қордың қызметі инфекцияның таралуына байланысты елдегі төтенше жағдайдың ұзақтығымен шектеледі. nurotan

6. Қор қаражатының мақсатты жұмсалуы. Әкімшілік, ұйымдастырушылық шығыстары «Nur Otan» партиясының қайтарымсыз көмегі есебінен өтеледі.

7. Үнемділік және тиімділік. Әлеуметтік және гигиеналық пакеттерге салынатын тауарлар бәсекелік негізде тауардың сапасы мен құнының оңтайлы қатынасы ескеріле отырып сатып алынады.

8. Қазақстандық өндірушілерді қолдау. Әлеуметтік пакеттерді жасау үшін тауарлар, Қазақстанда жасалмайтын тауарларды қоспағанда, тек қазақстандық өндірушілерден сатып алынады. nurotan

9. Қордың қаражаты мен мемлекеттік бюджет арасының нақты ажыратылуы. Көмек заттай әлеуметтік пакеттер (азық-түлік себеті), қорғаныс құралдары (антисептиктер, маскалар, қолғаптар), қолма-қол ақшасыз төлемдер түрінде көрсетіледі. Мемлекеттік бюджеттен төленетін қажеттіліктер қаржыландырылмайды.

10. Қордың ашық, айқын қызметі. Қор қызметінің ашықтығы мен айқындығы Қордың Басқармасынан жауапты тұлғаның күнделікті брифинг өткізіп, толықанды ақпаратты беруі, түскен қаржы мен көрсетілген көмек туралы есептерді тұрақты түрде жариялайтын арнайы сайт құру арқылы қамтамасыз етіледі.

Сонымен қатар Қоғамдық қорда ұйым қызметінің өз жарғылық мақсаттарына сәйкестігін бақылауды құрамына белгілі қоғам және мемлекет қайраткерлері, азаматтық қоғам өкілдері мен жастар кіретін Қамқоршылар кеңесі жүзеге асыратыны аталып өтті. Қаражаттың жұмсалуын Тексеру комиссиясы бақылайды. nurotan

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір