Алматының бас санитар дәрігері: Маска тағудың қажеті жоқ

Алматы қаласы тауарлар мен қызметтердің сапасын бақылау департаментінің басшысы Айзат Молдағасымова көшеде медициналық маска тағуға қатысты пікір білдірді. 

Дүниежүзілік денсаулық сақтау ұйымы медициналық бетперде тағуға қатысты ұсыныстарын өзгертті. Маска тағу - басты профилактикалық шаралардың бірі. Қазір денсаулық сақтау ұйымы бетперде тағу аурудың алдын алатын шаралардың бірі деп санайды. Алайда мен, эпидемиолог ретінде айтарым, сыртта жүрген кезде жалғыз келе жатсаңыз, маска тағудың қажеті жоқ деп есептеймін. Ал жабық нысандарда, керісінше, маска тағу қажет", деді Айзат Молдағасымова.