Мәулен Әшімбаев ҚР Парламенті Сенатының төрағасы болып сайланды

Бұған дейін Мәулен Әшімбаев Қазақстан Республикасы президентінің әкімшілігі басшысының бірінші орынбасары қызметінен босатылып, Қазақстан Республикасы парламенті сенатының депутаты болып тағайындалған.

 

4 мамыр күні экс-сенатор, сенаттың экс-төрағасы Дариға Назарбаевның өкілеттілігі тоқтатылған.

 

Мәулен Сағатханұлы Әшімбаев 1971 жылы 28 қаңтарда Алматыда дүниеге келген.

Экономист, қоғам қайраткері. Әл-Фараби атындағы Қазақ ұлттық университетінің экономика және социология факультетін бітірген. Джонс – Хопкинс университетінінің Халықаралық зерттеулер мектебінде (АҚШ) ғылыми тәжірибеден өткен.

Еңбек жолы 1993 жылы Баспасөз және бұқаралық ақпарат министрлігінде басталған.

Қазақстан Республикасы Президенті жанындағы Стратегиялық зерттеулер институтының директоры, Қазақстан Республикасы Қауіпсіздік кеңесі хатшысының орынбасары, Мәжіліс депутаты, Қазақстан Республикасы Парламенті Мәжілісінің V шақырылымының Халықаралық істер, қорғаныс және қауіпсіздік комитетінің төрағасы, Қазақстан Республикасы Президенті Әкімшілігі Басшысының орынбасары, НұрОтан партиясы төрағасының бірінші орынбасары қызметтерін атқарған.