• USD 399.67
  • EUR 452.95
  • RUB 5.82
  • CNY 56.36

09 Мамыр, 2020 NEWS

Алматыда залалсыздандыру жұмысының 13-кезеңі аяқталуға жақын

almaty.tv

Алматыда мейрамға қарамастан, дезинфекция жұмыстары қарқынды жүріп жатыр. Осы күні залалсыздандыру жұмысының 13-кезеңі аяқталуға жақын. Бұл туралы қала әкімдігінің баспасөз қызметі хабарлады.

Бүгін мамандар Құлагер ықшамауданындағы көпқабатты тұрғын үйлерге дезинфекция жасады. Негізі Жетісу ауданын 6 бөлікке бөліп, бекітілген кесте бойынша тазаланады. Мейрам күнгі жұмысқа 4 дезинфектор кірісті. Олар күніне 2 мың 500 литр арнайы қоспаны шашып шығады. Ал аптасына 15 мың литр дәрілік препарат жұмсалады.

– Бүгін мен алматылықтарды 9 мамыр – Жеңіс күні мерекесімен құттықтаймын. Жеңіс Мейрамдарға қарамай, біз залалсыздандыру жұмыстарын жалғастырып жатырмыз. Бүгінгі Жетісу әкімдігінің берген кестесі бойынша   Құлагер ауданындағы  30 үйге дезинфекция жұмыстарын жүргіземіз, – деді Жетісу ауданы бойынша дезинфекция жұмысының бригадирі Әсет РАҚЫШОВ.

Айта кетейік, келесі аптада 14-кезең басталады. Қалада бас-аяғы дезинфекцияның 16 айналымын жасау жоспарланып отыр. Алматы бойынша 13- кезеңді аяқтауға 64 бригада жұмылдырылды. Нәтижесінде, 7268 подьезд, 1345 аула тазаланды. Бұл жұмысқа 74 мың литр арнайы сұйықтық жұмсалды.  

Ілмек сөздер: Алматы дезинфекция

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір