04 Мамыр, 2020 NEWS

Кәсіпкерлерді қолдауға арналған мемлекеттік бағдарламаларға өзгерістер енгізілді

Көрнекі сурет

«Даму» қоры арқылы кәсіпкерлерді қолдауға арналған мемлекеттік бағдарламаларға, оның ішінде «Бизнестің жол картасы-2025» пен «Қарапайым заттар экономикасына» өзгерістер енгізілді.
 
Мемлекет басшысының төтенше жағдайлар кезіндегі кәсіпкерлерді қолдау, «БЖК-2025» мемлекеттік бағдарламасы бойынша субсидия бөлуге байланысты өзгерістер  мақұлданды. Осылайша, салалық шектеулер алынып тасталды (сауда жобаларын және айналым қаражатын толықтыруды қоспағанда), Қазақстан Республикасының ПК 24-бабының 4-тармағында көрсетілген қызмет түрлері бойынша жұмыс істейтін жеке кәсіпкерлік субъектілері - құмар ойындары, лотереялар, есірткі бизнесіне байланысты іс-шаралар) құралдар, психотроптық заттар мен прекурсорлар, күзет қызметі және т.б. қоспағанда).
 
Бұдан бөлек, кәсіпкерлер үшін 6 пайыздық бірыңғай тариф енгізілді.  Аталмыш бағдарламаның үшінші бағыты алынып тасталды (кәсіпкерлердің валюталық тәуекелдерін төмендету).
 
Субсидиялауға жататын несиелер сомасы 5 жылға 7 млрд теңгеге дейін өсті. Айналым капиталын толықтыру мақсатында Бағдарламаның 1-бағыты бойынша несие сомасы 360 млн теңгеге дейін, Бағдарламаның 2-ші бағыты бойынша 500 млн теңгеге дейін, 2-ші бағыттағы сауда саласындағы жобалар үшін - айналым қаражатын толықтыруға субсидияланатын қарыз сомасы 100 млн.теңгені құрады.
 
«БЖК-2025» бағдарламасы бойынша кепілдік берудің заңнамасы өзгерді. Енді кәсіпкерлікке бет бұрған азаматтар бағдарламаның 1-бағыты бойынша 180 миллион теңгеге дейін несие, 2-ші бағыт бойынша 360 миллион теңгеге дейінгі несиені кепілдендіріп ала алады. Бұл ретте несие сомасының 85% кепілдендіріледі.
 
Бизнесі жұмыс істеп тұрған кәсіпкерлерге Бағдарламаның бірінші бағыты бойынша 360 миллион теңгеге дейін несие, 2 бағыт бойынша 1 миллиард теңгеге дейін кепілдеме беріледі. Несие сомасының 50% кепілдендіріледі.
Бағдарламаның бірінші бағыты бойынша 360 млн теңгеге дейін айналым қаражатын 100% толықтыруға бағытталған несиелер, 2 бағыт бойынша 500 млн теңге, сауда салаларындағы айналым капиталын толықтыруға бағытталған жобаларға несие сомасы 100 млн. теңге көлемінде беріледі.
 
Сондай-ақ салалық шектеулер алынып тасталды (Қазақстан Республикасының ПК 24-бабының 4-тармағында көрсетілген сауда мен қызметті қоспағанда).
 
БЖК - 2025» бағдарламасында: азық-түлік, сабын және жуғыш заттар өндірісі, санитарлық мақсаттағы қағаз өнімдері, автомобильдермен жүк тасымалы, қойма және қосалқы көлік қызметі, туризм, жалға беру және жеке меншік секторлардағы ірі кәсіпкерлік субъектілері, жалға беру секілді ірі бизнес субъектілері қосылды.
 
«Қарапайым заттар экономикасы» бағдарламасына да өзгерістер енгізілді. Соған сәйкес бағдарламаны қаржыландырудың жалпы көлемі 10 жылға дейінгі мерзіммен 1 трлн.  теңгеге дейін өсті. Бағдарламаға жататын тауарлардың тізімі кеңейтілді. Екінші деңгейлі банктермен (ЕДБ) бірге агроөнеркәсіптік кешенде (АӨК) өндіріс және қайта өңдеу бойынша басым жобаларды қаржыландыру операторы Аграрлық несие корпорациясы болып бекітілді.
 
Негізгі қарызды және сыйақыны несие мерзімінің жартысынан аспайтын мерзімге дейін кейінге қалдыруға мүмкіндік берілді. Сонымен қатар, мұндай жағдайлар Мемлекет басшысының, Қазақстан Республикасы Үкіметінің Президенті Әкімшілігінің тиісті шешімдерімен расталуы керек.
 
«Даму» кәсіпкерлікті дамыту қоры» АҚ Басқарма төрайымы Гаухар Бурибаеваның айтуынша, өңірлерде қаражат тапшылығы жоқ. Мемлекет «БЖК-2025» және «ҚЗЭ» субсидиялары мен кепілдіктеріндегі осы өзгерістерді іске асыру үшін 2020 жылға қосымша қаржы бөлді, қолда бар қаражатқа қосымша 44 млрд теңге бөлінді.
 
Осы бағдарламаларда қабылданған өзгертулер көп кәсіпкерлерге көмектесуге, бизнес жағдайларын жақсартуға және Қазақстан экономикасы үшін қажет жобаларды қаржыландыру мүмкіндіктерін кеңейтуге көмектеседі.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір