• USD 402.37
  • EUR 449.81
  • RUB 5.86
  • CNY 56.67

05 Мамыр, 2020 NEWS

ШҚО педагогтері онлайн курстарды оқып жатыр

Көрнекі сурет

Педагогикалық шеберлік орталығының Өскемендегі филиалы қашықтықтан жұмыс істеуде. Мұндағы басты мақсат – педагогтерге қашықтан оқытуды ұйымдастыруда жан-жақты әдістемелік көмек көрсету.
 
- Сәуір айында ШҚО мұғалімдері үшін 44 вебинар мен 108 консультация ұйымдастырылды. Оған 8257 педагог қатысты. Вебинар барысында өзекті тақырыптар талқыланды. Әсіресе, қашықтықтан оқыту барысында тиімді кері байланыс орнату, ата-аналар мен балаларға психологиялық қолдау көрсету сынды тақырыптар қозғалды, - деді педагогикалық шеберлік орталығының Өскемендегі филиалының директоры Гүлжан Зейнолдина.
 
Педагогикалық шеберлік орталығының Өскемендегі филиалының тренерлері ШҚО мұғалімдеріне «Қашықтықтан оқыту аясында жалпы білім беретін мектептердегі 1-10 сыпытарда бөлім бойынша жиынтық бағалау (БЖБ) және тоқсан бойынша жиынтық бағалау (ТЖБ)» тақырыбы бойынша түсіндіру жұмыстарын жүргізді.
 
- Қазіргі жағдайда мұғалімдердің біліктілігін арттыруға байланысты бірнеше бағдарламаны онлайн-курсқа ауыстырдық, мысалы мектеп директорының тәрбие бойынша орынбасарларына арналған курсты маусым айында онлайн түрде бастаймыз деп жоспарлап отырмыз, - деді Гүлжан Тоқтарханқызы.
Ілмек сөздер: Қашықтан оқыту

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір