Жапония төтенше жағдай режимін алып тастады

Жапония премьер-министрі Синдзо Абэ Токиода және тағы төрт ауданда төтенше жағдай режимін тоқтатып, әлемдегі үшінші ірі экономиканы біртіндеп қайта ашатынын айтты және адамдарды «жаңа қалыпқа» бейімделуге шақырды. Бұл туралы Қамшы тілшісі Reuters басылымына сілтеме жасап хабарлайды. 

– Бүгін бізде төтенше жағдай тоқтатылып, келесі кезеңге нық қадам жасаймыз,– деді Жапония премьер-министрі Токиода жиналған журналистерге.

– Жақында бүкіл елде инфекцияның жаңа жағдайлары 50-ден төменге түсті. Бір кездері ауруханаға жатқызылған жалпы 10 000 жағдай болса, қазір 2000-нан төмен болды. Әлемдегі басқа елдерге ұқсамайтын өлшемдерімізді алдық, енді ол жалпыұлттық деңгейде орындалады, – деді Синдзо Абэ.

Ол Жапонияның пандемияға реакциясы кезінде кейбір проблемаларға тап болғанын мойындады және вирус қайта өрши бастаса, бақылауға алуға уәде берді. Ол сонымен қатар басқа елдердегідей қатаң тыйым салусыз- ақ алты аптаның ішінде коронавирусты бақылауға алған «Жапония моделін» мақтады.

Алайда ең нашар сценарий бойынша, вирустың таралуы қайта өршісе, төтенше жағдайды қалпына келтіруі мүмкін екенін ескертті.