• USD 412.55
  • EUR 468.66
  • RUB 5.79
  • CNY 58.8

29 Мамыр, 2020 NEWS

Алматыда діни ғимараттар өз жұмысын бастайды

anatili.kazgazeta.kz

30 мамырдан бастап Алматы қаласындағы діни ғимараттар өз жұмысын бастайды. Бұл туралы қала әкімдігінің баспасөз қызметі хабарлады.

​Алматы қаласы бас мемлекеттік санитарлық дәрігерінің 2020 жылғы 28 мамырдағы №32 қаулысына сәйкес, ертеңнен бастап санитарлық-дезинфекциялау режимінің талаптарын қатаң сақтаған жағдайда қаладағы діни ғимараттар өз жұмысын бастай алады.

Карантин уақытында діни нысандардың жұмыс жасауларына қойылатын басты талап: ұжымдық іс-шаралардың өткізілуіне шектеу қойылуы. Атап айтсақ, жұма намаздары, сенбі және жексенбі күні өткізілетін ғибадаттар, адамдармен топталып діни өлеңдер айту секілді және басқа да ұжымдық сипатқа ие құлшылықтарды өткізуге рұқсат етілмейді. Аталған шектеулердің басты мақсаты коронавирустық инфекция таралуының алдын алу болып табылады.

Сонымен қатар, құлшылық кезінде діни қызметшілер медициналық маска мен қолғап киюге және де әлеуметтік қашықтықты сақтауға міндетті. Ал, маска кимеген және респираторлық аурулардың кез келген белгілері бар (температураның көтерілуі, жөтел, тамақтың ауруы, тыныс алудың қиындауы) адамдар діни ғимаратқа кіргізілмейді.

Өз кезегінде, діни шараларға қатысуларына рұқсат етілген адамдарға ғимарат ішінде 15-20 минуттан артық бөгелулеріне рұқсат етілмейді.
 
 
 

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір