Алматы тауларында жоғалып кеткен қыздың денесі табылды

Алматы тауларында жоғалып кеткен турист Әсел Панарғалиеваның денесі табылды.

Қыздың денесі Үлкен Алматы көлінің қасындағы Космостанция аумағында табылған. Қазіргі уақытта полиция қыздың неден қайтыс болғанын анықтау үшін сот-медициналық сараптама жұмыстарын жүргізіп жатыр.

Еске сала кетейік, 26 жастағы Әсел Панарғалиеваның жоғалып кеткеніне 6 айдан астам уақыт өтті. Ол тау туризмімен айналысып жүрген. 9 қараша сағат 13:00 шамасында ол Үлкен Алматы (Жосалы) көлінде түскен фотосын әлеуметтік желіге жариялаған. Одан кейін байланысқа шықпаған. Қыздың 9 қараша күні Космостанция ауданында таудан түсіп келе жатқанын адамдар көрген.

Сонымен қатар Әселдің ата-анасы тікұшақпен іздеу салып, іздеп тапқан адамға сыйақы беретінін хабарлаған болатын. 

Соңғы іздестіру жұмыстары 14 мамырда қайта басталған. Құтқарушылар Коммунальник – БАО – Гайиш – ғарыш станциясы – Үлкен Алматы шыңымен жүрген.