• USD 468.56

  • EUR 497.56

  • RUB 7.3

  • CNY 67.18

29 Наурыз, 17:31:10
Алматы
+35°

09 Шілде, 2020 NEWS

Неміс депутаты Ангела Меркельге: Бұл сенің ақшаң емес!

Неміс депутаты Джорг Мейтен Еуропалық Одақтың пленарлық отырысы кезінде Германия канцлері Ангела Меркельді сынға алды

Суретте: Неміс депутаты Джорг Мейтен

"Неміс депутаты еуропалық азаматтардың бостандығын бұзғаны үшін және еуропалық мұраттарға опасыздық жасағаны үшін Ангела Меркельді айыптады" деп жазды англиялық Financial Press басылымы. Бұл туралы Қамшы тілшісі хабарлайды.

Неміс депутаты Джорг Мейтен Еуропалық Одақтың пленарлық отырысы кезінде Испания мен Италия азаматтары орташа есеппен Германия азаматтарынан ауқатты өмір сүретінін мәлімдеп, Германия канцлері Ангела Меркельді сынаған.

Мейтен "бұл сенің ақшаң емес, бұл салық төлеушілердің ақшасы, ақшаны төлейтін солар. Бұл социалистік идеологиядан туындаған. Біздің бостандықтарымыз тапталып жатыр, ал сіз Германия бірлікті көрсетуге дайын деп отырсыз" деп айыптаған.

– Немістердің орташа байлығы испаниялықтардан немесе француздардан төмен екенін білесіз бе? Басқа елдерге қарағанда Германияда адамдар өздерінің зейнетақыларын кейінірек алатынын білесіз бе? Сонымен, сіздер қандай бірлікті көріп тұрсыздар, Меркель ханым?, – деді депутат.

Өткен айда Джорг Мейтен Еуропалық Парламенттің жалпы отырысында Еуропалық комиссияның "құтқару жоспарына" қарсы шыққан.

Мейтен Еуропалық Одақтың қалпына келтіру пакетін бос сөз деп санайды. Ол Австрия, Нидерланды, Дания және Швецияны "Оңтүстік Еуропаны құтқаруға" келіспегені үшін мақтады.

Неміс депутатының сөзінше, канцлер Меркель ешқандай корнаоблигациялар немесе еурооблигациялары болмайтынын айтқан кезде жағдай өте түсінікті болған.

– Бірақ қазір бізде 5 миллион еуро көлемінде гранттар беретін қалпына келтіру қоры болды... Бізде Еуропалық Комиссия атынан бұл ақшаны тиісті заңды негізсіз қаржыландыратын салық төлеушілер бар... Бұл ешкімді мазаламайтын сияқты. Сіздің Комиссияңыздың президенті бұл сандырақты қолдайтынын және бұл ақша жеткіліксіз екенін айтса, сіз 500 миллион еуро қажет деп отырсыз. Айтуға рұқсат етіңіз, бұл мүлдем дұрыс емес, бұл сандырақ... Бұл ЕО азаматтары үшін төлеуге тура келетін қымбат баға. Сондықтан сіз салық төлеушілердің ақшасымен ертеңгі күніңіз жоқ сияқты жұмсағалы отырсыз. Бұл жерде ешқандай жауапкершілік немесе экономикалық мағына жоқ. Бұл шығындар мен салықтар тұрғысынан мағынасы жоқ. Біз мұнда үлкен ақша фигуралары туралы айтып отырмыз және "бірлік үшін" деген атты жамылған екіжүзділік. Біз Австрия, Нидерланды, Дания және Швецияның бәрі бұл сандыраққа келісуден бас тартқанын көрдік,– деген Джорг Мейтен.

"Қамшы" сілтейді
Ілмек сөздер: Германия депутат

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір