14 Шілде, 2020 NEWS

Қорғаныс министрінің орынбасары қайтыс болды

tengrinews.kz

Қазақстан қорғаныс министрінің орынбасары Бақыт Құрманбаев қайтыс болды. Бұл мәліметті министрліктегілер растады.

Өлімнің себебі әзірге нақты айтылмады. Ведомство өкілдері кейінірек мәлімет беруге уәде берді.

Бақыт Құрманбаев қорғаныс министрінің орынбасары қызметіне 2019 жылдың сәуірінде тағайындалған.

Ол 1970 жылы 21 қыркүйекте Өскемен қаласында дүниеге келген.

1993 жылы әл-Фараби атындағы Қазақ мемлекеттік университетінің физика факультетін бітірген.

2005 жылы РФ құрлық әскерлерінің әуе шабуылына қарсы қорғаныс әскери академиясында білім алды. 2008 жылы Ресей Федерациясы ҚК Бас штабының Әскери академиясының жоғары академиялық курстарынан өтті.

Әр жылдары физика пәнінің мұғалімі, қорғаныс министрлігінің штаб бастықтары комитеті департаментінің басқарма бастығы болып жұмыс істеді.

ІІ дәрежелі "Айбын" орденімен марапатталған. Генерал-майор шені болған.

Марқұмның артында әйелі, екі баласы қалды.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір