100 млн-нан астам адамды жанынан айырған бубон обасы Қытай, Моңғолия және Америкада қайта таралды

Орта ғасырларда 100 миллионнан астам адамды өмірінен айырған "Қара өлім" деген атпен танымал болған бубон обасы АҚШ Колорадо штатында расталды. Бұған дейін бубон обасы Моңғолияда, Қытайда анықталып, адамдар қайтыс болғаны хабарланған. 

USA Today басылымының жазуынша, Колорадо штаты Джефферсон округінің денсаулық сақтау басқармасы Денверге жақын орналасқан Моррисон қаласында бір жануардан бубон обасы табылғанын мәлімдеген. Бұл осы аурудың АҚШ-тағы алғашқы белгілі жағдайы.

Бубон обасы адамдарға көбінесе кеміргіштер мен бүргелерден жұғады.

Індет "Yersinia pestis" бактериясынан туындайды және тұмауға ұқсас белгілер, қызба, қалтырау, бас ауруы және әлсіздік сезімі болуы мүмкін.

Симптомдар әдетте жеті күнге дейін созылады әрі антибиотиктермен тиімді емделеді, алайда егер емделмейтін болса, ол қозғалмалы ауыр түрге айналуы, тіпті, пневмонияны қоздыруы мүмкін.

– Бубон обасы – бұл Yersinia pestis бактериялары тудыратын жұқпалы ауру және егер тиісті сақтық шаралары жасалмаса, адамдарға үй жануарлары арқылы жұғуы мүмкін, – деген АҚШ жергілікті округ дансаулық сақтау басқармасы.

Сақтық шарасы ретінде денсаулық сақтау қызметкерлері аурудың кез келген жұғу мүмкіндігін болдырмау үшін үй жануарларымен жанаспауға және жабайы жануарлардың етін жемеуге шақырды.

Бубон обасы алғаш Моңғолия мен Қытайда байқалған. Моңғолияда індетке байланысты бес аудан карантиге жабылған. Моңғолияның батыс Гови-Алтай провинциясындағы 15 жастағы бір баланың көз жұмғаны хабарланды. Жергілікте ақпарат құралдарының жазуынша, бала жабайы жануардың етін жеген. 

Осы айдың басында Ховд провинциясында тағы екі адамнан вирус байқалған.

2019 жылдың сәуірінде батыс Моңғолияның Баян-Өлгей провинциясында  ерлі-зайыптылар жабайы жануар етін жегеннен кейін, бубон обасынан қайтыс болған.

China Daily-дың хабарлауынша, осы айда оба Қытайда да бір адамнан табылған. Қала үшінші деңгейдегі сақтану шараларын жариялаған.

 – Қазіргі уақытта бұл қалада бубон оба індетінің таралу қаупі бар. Қоғам өзінің қорғаныс қабілетін арттырып, денсаулығының жағдайы туралы тез арада хабарлауы керек, – деп хабарлаған Қытайдың жергілікті денсаулық сақтау басқармасы.

Жаңа зерттеуге сүйене отырып, Моңғолия денсаулық сақтау министрлігі, Қытай мен Ресейдің, сондай-ақ Моңғолияның Алтай аймақтарында бұл ауру жұқпалы болуы мүмкін деп жариялаған.