Коронавирус: Сіздің жас мөлшеріңізге қандай жаттығулар ұсынылады?

Пандемия кезінде барлық жастағы адамдар үшін мүмкіндігінше белсенді болу өте маңызды. Дүниежүзілік денсаулық сақтау ұйымының (ДДСҰ) белсенді болу компаниясы сізге дұрыс жаттығу жасауға және көңіл-күйіңізді жақсартуға көмектеседі. Қамшы тілшісі ДДСҰ ресми сайтындағы пайдалы жаттығулар туралы апқараттарды қазақ тіліне аударып ұсынады.

Сіздің жас мөлшеріңізге қандай жаттығулар ұсынылады?

ДДCҰ-ның барлық жастағы адамдардың денсаулығы мен әл-ауқатын жақсарту үшін не істеу керектігі туралы ұсынымдары:

1 жасқа дейінгі сәбилер

• Барлық нәрестелер күніне бірнеше рет физикалық белсенді болуы керек.

• Әлі қозғала алмайтын нәрестелерге ояу кезінде 30 минуттай уақыт еңбектеген күйінде, еденге негізделген ойындар ойнатқан жөн.

5 жасқа дейінгі балалар

• Барлық жас балалар күніне кемінде 180 минутты кез келген қарқында дене шынықтырудың әртүрлі түрлерімен айналысуға тиіс

• 3-4 жастағы балалар бұл уақыттың кем дегенде 60 минутын орташа қарқындылыққа және физикалық белсенділікке жұмсауы керек

5-17 жас аралығындағы балалар мен жасөспірімдер

• Барлық балалар мен жасөспірімдер күніне 60 минуттан орташа және күшті физикалық белсенділікпен айналысуы керек

• Мұнда кем дегенде аптасына 3 күн бұлшықет пен сүйекті күшейтетін іс-шаралар болуы керек

• Күн сайын 60 минуттан артық дене шынықтырумен айналысу денсаулыққа қосымша пайда әкеледі

18 жастан асқан ересектер

• Барлық ересектер апта бойы кем дегенде 150 минут орташа қарқындылықпен немесе апта бойы 75 минуттан жоғары белсенділікпен айналысуы керек.

• Денсаулыққа қосымша артықшылықтар алу үшін ересектер орташа қарқындылықтағы физикалық белсенділікті аптасына 300 минутқа дейін немесе оған теңестіру керек.

• Қаңқабұлшық еттерінің денсаулығын дамыту және қолдау үшін бұлшықетті күшейтетін іс-шаралар аптасына 2 немесе одан да көп мәрте жасалуы керек.

• Сонымен қатар, қозғалысы нашар ересек адамдар баланысты сақтау жаттығуын жасауы керек. Бұл құлауға, жарақат алуға жол бермеу үшін пайдалы. Бұл жаттығулар аптасына 3 немесе одан да көп күн болып, физикалық белсенділікпен айналысуы керек. 

Айта кетейік, бұған дейін пандемия кезінде физикалық жаттығулардың пайдасы туралы ДДСҰ ресми сайтынан аударып жариялаған болатынбыз.

Ал COVID-19 туралы "көп су ішу коронавирусты емдеуге көмектесе ме?", "алкоголь COVID-19-ды емдей ме?" деген сияқты сауалдар үшін "коронавирус сұрақ-жауаптарын" оқуға кеңес береміз.

Пандемия уағында дұрыс тамақтану да өте маңызды. Коронавирус кезінде қандай тамақтар пайдалы екенін білгіңіз келсе, ДДСҰ-ның дұрыс тамақтану туралы нұсқауын оқыңыз.