Фото: euroradio.fm
Белорусь президенті Александр Лукашенко өзінің сайлауалды бағдарламасында алдағы 5 жылда референдум арқылы конституцияны өзгертуге уәде берді. Бқл туралы euroradio.fm сайты хабарлады.
"Белорусьтіктер жалпыхалықтық талқылау арқылы өзінің құқығын, еркіндігін, міндетін және мемлекеттік органдардың өкілеттілігін анықтайтын болады" делінген Лукашенконың бағдарламасында.
Сондай-ақ ол ел конституциясына президенттікке әскерде болған адам ғана үміткер бола алатындай өзгеріс енгізуді ұсынып жүр.
9 тамыз күні Беларусьте президент сайлауы өтеді. 1994 жылдан бері билікте отырған Лукашенко өзін алтыншы мерзімге ұсынып отыр. Алайда соңғы кезде елде оған қарсы акциялар көбейген. Қарсы тарап президенттің әлеуметтік-экономикалық саясаты сынға алуда.
30 шілде күні елде ең ірі митингтердің бірі өтті. Оған 63 мың адам қатысқан.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір