Вице-министр Марат Шоранов бір әйелді өлімнен аман алып қалды

Денсаулық сақтау вице-министрі Марат Шоранов тыныс алу қиындаған әйелді аман алып қалды. Бұл туралы ведомстваның баспасөз қызметі хабарлады.

Оқиға 3 тамыз күні болған. Марат Шоранов жұмысқа келген кезде 5-подъездегі сатыдан 1969 жылғы әйел жоғарыға көтеріліп бара жатқанын көрген. Әйел кенеттен есінен айырылып, жерге құлап түскен.

"Шоранов әйелді ұстап қалды. Ол әйелдің түрі бозарып кеткенін, тұншығып жатқанын көрген. Вице-министр медициналық тәжірибесінің арқасында әйелге жедел медициналық көмек көрсеткен. Сондай-ақ ол жүргізушіге көліктен бұрағыш алып келу керегін айтқан. Вице-министр оны қажет жағдайда әйел демала алуы үшін мойнынан тесік жасамақ болғаны" делінген хабарламада.

Алғашқы медициналық көмек алған соң әйел тыныс ала бастаған. Кейін оны жедел жәрдем қызметі ауруханадағы жалпы хирургия және проктология бөліміне жеткізді. Вице-министр аман алып қалған әйелге дәрігерлер "өткір жабысқақ ішек өтімсіздігі" диагнозын қойған.