08 Тамыз, 2020 NEWS

Үндістанда жолаушылар ұшағы апатқа ұшырап, кем дегенде 18 адам қаза тапты

EPA

Үндістанда 190 жолаушы отырған Air India Express ұшағы Керала штатының әуежайында құлап, кем дегенде 18 адам қаза тапты.

"Дубайдан келе жатқан Boeing 737 ұшағы жаңбырда ұшып-қону жолынан шығып кетті және Каликут әуежайына қонғаннан кейін жарылды" деп хабарлады авиация қызметкерлері.

Үндістан премьер-министрі Нарендра Моди "ұшақ апатына байланысты қайғыратынын" жеткізді.

Ақпаратқа сәйкес, апат болған жерде құтқару жұмыстары аяқталды және аман қалушылар Каликут пен Малаппурамдағы ауруханаларға жеткізілді.

"Ондаған адам жарақат алды, олардың 156-сы ауыр жараланған" деп хабарлайды шенеуніктер.

Air India Express екі ұшқыштың да қаза тапқанын хабарлады.

– Оқиға нөсердің салдарынан және нашар көруден болды. Бұл өте жойқын апат, –деп мәлімдеді үкіметтің жоспарлау комиссиясының жетекшісі Амитабх Кант.

Ілмек сөздер: Ұшақ Үндістан

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір