08 Тамыз, 2020 NEWS

Нұр-Сұлтанда жедел жәрдем көлігі апатқа ұшырап, бес адам зардап шекті

informburo.kz

Нұр-Сұлтан қаласында жедел жәрдем көлігі жеңіл автокөлікке соқтығысты. Бұл туралы қаланың полиция департаменті хабарлады.

Оқиға 8 тамыз сағат 3:40 шамасында Қабанбай батыр даңғылы мен Керей-Жәнібек хандар көшесінің қиылысында болған. 

"45 жастағы жедел жәрдем жүргізушісі бағдаршамның қызыл жанғанына қарамай көлікті жүргізген. Нәтижесінде Lada Priora жеңіл көлігімен соқтығысып бес адамды жарақаттады. Оның ішінде екі жедел жәрдем қызметкерін, арнайы көлікте болған екі науқас және Lada Priora жүргізушісі бар" делінген департамент таратқан хабарламада.

Қазіргі уақытта апаттың мән-жайы бойынша тергеу амалдары жүргізілуде.

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір