• USD 468.56

  • EUR 497.56

  • RUB 7.3

  • CNY 67.18

28 Наурыз, 20:29:17
Алматы
+35°

АҚШ сенатының барлау комитеті Трамптың Путинге жазған белгісіз хаттары туралы есебін жариялады. Бұл демократтардың "2016 жылғы сайлауда билікке жету үшін Трамп Путинмен жасырын байланысты" деген үндеулеріне күш бергендей. 

Баяндамада атап көрсетілген 2007 жылғы хатта Трамп Путиннің "үлкен жанкүйері" екенін мәлімдеген.

2007 жылы Путин Time журналының "жыл адамы" атанған, сол кезден бастап Трамп пен Путин арасында жақсы байланыс болған.

– Time журналының "жыл адамы" атанғаныңызбен құттықтаймын, сіз бұған лайықсыз. Сіз естігендей, мен сіздің үлкен жанкүйеріңізбін! Өз-өзіңізді күтіңіз,–деп жазған Трамп.

2013 жылы жазған бірқатар хаттарында Трамп Ресей президентін "Әлем аруы" байқауында "сұлу әйелдерді" көруге шақырған.

"Мен Мәскеуде ең үздік және әлем аруы барын білемін. Біз халықаралық және ресейлік бұқаралық ақпарат құралдарының жағымды және ауқымды пікірлеріне таң қалдық. Мен осы мүмкіндікті пайдаланып, сізді құрметті қонақ болуға шақырамын" деп жазылған хатта.

Содан кейін бұл шара "әлемдегі ең сұлу әйелдерді" қабылдайтынын Трамп өз қолымен жазған.

Сонымен қатар шақыру хатында Мәскеудегі іс-шарада Трамп мырзамен серіктес болған олигарх Арас Агаларов та аталған.

Сенаттың есебінде Ресейдің 2016 жылы АҚШ-тағы президент сайлауына араласқаны, сондай-ақ беделді америкалықтар туралы компромат жинағаны айтылған.

Есеп шамамен 1000 бетке дейін жетеді. Баяндама Трамп пен оның көмекшілерінің Ресей үкіметінің шенеуніктерімен байланысының үлкен желісін жариялаған.

Ең таңқаларлық тұсы, ресейлік барлау офицері Константин Килимник Трамптың бұрынғы науқан менеджері Пол Манафортпен таныс болған.

Хабарламада Манафорттың 2016 жылы Килимникпен кездесіп, Трамп мырзаның Хиллари Клинтонды қалай жеңуі мүмкін екендігін талқыланғаны және ресейлік шпионға ішкі сайлау туралы мәліметтерді бергені айтылған.

Бірақ Сенат комитеті Манафорттың бұл ақпаратты не үшін бергенін немесе Килимник онымен не істегенін "анықтай алмайтынын" айтты.

Есеп бойынша, ресейлік бизнесмен Дэвид Геованистің ұйымдастыруымен Трамп 1996 жылы Мәскеуде болған. Баяндамаға сәйкес, ұйымдастырушы Дэвид Геованистің Ресей қауіпсіздік қызметтерімен байланысы бар.

"Мәскеудегі қабылдаушылар кейбір АҚШ кәсіпкерлерін жезөкшелер тұратын түнгі клубтарға немесе кештерге жиі апарған. Ресейдің қауіпсіздік қызметі немесе арнайы қызметтері ақпарат жинау үшін осындай мүмкіндіктерді пайдаланады" деп жазылған баяндамада.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір