06 Қазан, 2020 Саясат

Қырғызстандағы қақтығыс. Депутаттыққа кандидат Жапар Ормонов соққыға жығылды

Фото: видеодан алынған

Қырғызстандағы Ош қалалық кеңесінің спикері, "Мекенім Қырғызстан" саяси партиясынан Жоғарғы Кеңес депутаттығына кандидат Жапар Ормоновты орталық алаңға жиналған топ соққының астына алды. Бұл туралы turmush.kg хабарлады. 

Қатысушылардың бір бөлігі Ж.Ормоновты бірден бас салып, ұрып-соғып жатты. Ал оны қолдаушылар агрессивті көпшіліктің арасынан шығарып алуға тырысты. Наразы топ артынан тас лақтырып, қудалай бастады.  

Митингке қатысушылар қала әкімі қызметіне Мелис Мырзакматовты тағайындау туралы ұсыныстарын айтып жатыр. Азаматтардың айтуынша, ол қазір Қазақстанда.

Қырғызстанның қоғам қайраткері Төлөгөн Келдібаевтың айтуынша, болып жатқан жағдайға қазіргі үкіметтің өзі кінәлі. Ол елдегі жағдайды 180 градусқа бұрып жіберетін және одан әрі даму жолына түсе алатын жастарды басшылыққа шақыру керектігін айтты.

 

Ілмек сөздер: Қырғызстан

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір