09 Қазан, 2020 Барлық аймақтар
Фото: Ак Жайык
Қырғызстан президенті Сооронбай Жээнбеков премьер-министр мен үкіметті отставкаға жіберу туралы жарлыққа қол қойды, деп хабарлады Sputnik Kyrgyzstan ақпарат агенттігі.
Қырғызстан конституцияның 65 және 87-баптарына, сондай-ақ "КР үкіметі туралы" конституциялық заңға сәйкес премьер-министр Кубатбек Боронов пен оның командасы отставкаға кетті.
Үкіметтің жаңа құрамы қалыптасқанға дейін премьер-министр, бірінші вице-премьер, вице-премьер және министрлер кабинетінің мүшелері қызметтерін орындауды жалғастырады.
Президент жарлығы қол қойылған сәттен бастап күшіне енеді.
6 қазанда Қырғызстан премьер-министрі Кубатбек Боронов отставка өтініш берген. Бұл туралы Жогорку Кенештің кезектен тыс отырысында белгілі болды, онда депутаттардың бір бөлігі Боронов отставкаға кеткеннен кейін Жапаровтың кандидатурасын премьер-министр лауазымына мақұлдау туралы шешім қабылдаған. Енді үкімет мүшелері заңға сәйкес отставкаға кетті деп саналады.
Еске сала кетейік, Бішкектегі парламенттік сайлаудан кейінгі наразылық акциясы халықтың толқуына ұласып, нәтижесінде наразы топ "Ақ үйді" басып алған еді.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір