15 Қазан, 2020 NEWS

Ресей Қырғызстанға қаржылай көмек беруді тоқтатты

Фото: Көрнекі сурет

Ресей Қырғызстандағы саяси жағдай тұрақталғанға және мемлекеттік билік органдарының қызметі қалпына келгенге дейін қаржылық қолдауды тоқтата тұру туралы шешім қабылдады, деп хабарлады РБК.

РБК сайтының айтуынша, Ресей қаржы министрлігіндегі шешім Қырғызстандағы қалыптасқан жағдайды ескере отырып қабылданған.

2019 жылы Ресей Қырғызстанға қайтарымсыз 30 миллион доллар бөлген. Бұл соңғы көмек пакеттерінің бірі болды.

2005 жылдан бастап Ресей Қырғызстанға берген 700 миллион доллардан астам қарызды кешірген. 2018 жылдың ақпан айында қарыз толық есептен шығарылды.

2012 жылдан бастап Мәскеу Бішкекке 250 миллион доллардан астам сомаға өтеусіз грант берді, деп жазады портал.

Ілмек сөздер: ресей

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір