Джо Байден командасы: АҚШ Қытайдың соғыс кемелерінің бәрін суға батыруы керек

Пентагон басшылығына тағайындалуы мүмкін үміткер "АҚШ 72 сағат ішінде қытайлық кемелерді батырып жіберуі керек" деп мәлімдеді, Бейжің сарапшылары осыдан кейін қорқыныштарын жасырмады.

Бұрын Обама әкімшілігінде қорғаныс министрінің орынбасары болған Мишель Флурной жаңа президенттің жанындағы қорғаныс министрі қызметіне ықтималды кандидат ретінде ұсынылды.

Бұған дейін Флурной қауіпсіздікті арттыру үшін Оңтүстік Қытай теңізіне америкалық күштерді орналастыру керектігін айтқан. Даулы сулар АҚШ-тың Үнді-Тынық мұхиты аймағына қатысуы үшін маңызды. Флурной осы жылдың басында "Foreign Affairs" журналында Оңтүстік Қытай теңізіндегі америкалық әскери-теңіз күштерін арттыруға шақырған болатын. Оның айтуынша, Вашингтон Бейжіңнің даулы сулардағы әскери агрессиясына қарсы тұру мүмкіндігін жоғалтуда.

Ол "егер АҚШ әскери күштері Қытайдың барлық әскери кемелерін, сүңгуір қайықтарын және сауда кемелерін Оңтүстік Қытай теңізінде 72 сағат ішінде суға батырып жіберу қаупі бар болса, Қытай басшылары ойлануы мүмкін, айталық блоктау немесе Тайваньға басып кіруде, олар бүкіл флотын қауіпке тігу тати ма деп ойланатын еді" деген.

Жақында ол Қытайға қарсы ұстанымын және Үнді-Тынық мұхит аймағында Американың қатаң қорғанысын қалайтынын тағы да айтты.

"Defence News"-ке берген сұхбатында Флурной ханым "Бізде жеткілікті шектер болуы керек, ең алдымен біз Қытайды біздің өмірлік мүдделеріміз бен одақтастарымызға шабуыл жасаудан немесе қауіп төндіруден сақтай аламыз" деген бұрынғы хатшының орынбасары Трамп әкімшілігінің Қытайға деген "миопиялық" көзқарасын өзгертуді қалаған және Бейжің мен Вашингтон арасындағы ынтымақтастыққа деген ниетін де білдірген.

Джо Байден АҚШ-тағы сайлауда Трампты жеңгеннен кейін, Қытайға өзінен бұрынғы президент сияқты қатал болатынын мәлімдеді.

Демократтардың науқанында ол Қытай төрағасы Си Цзиньпинді "бұзақылардың" қатарына қосты және "Қытайға қысым көрсету, оқшаулау және жазалау" халықаралық кампаниясын жүргізуге уәде берді.

Байден Қытайдағы лагерлердегі ұйғыр, қазақ сияқты ашылықтар мен мұсылмандарға деген қарым-қатынасты қатал айыптап, оны "геноцид" деп санайды.

Сонымен бірге бұрынғы вице-президент АҚШ-тың "ұлттық мүддесін" жүзеге асырады және Қытаймен саяси климаттың өзгеруі ұстанымында ынтымақтастық жасайды деп күтілуде.