Жаңа қаулы. Қазақстанның бірқатар өңірінде карантин күшейтілді

Нұр-Сұлтан қаласы және Қостанай, Ақтөбе, Павлодар, Қарағанды облыстарында карантин шаралары күшейтілді. Бұл туралы облыстардың бас санитар дәрігерлері мәлімдеді.

Нұр-Сұлтан қаласының бас санитар дәрігері Ж.Пралиева карантинді күшейтуге қатысты қаулы шығарды.

Аталған қаулыға сәйкес:

• 1-5-сынып және 1-7-сыныптан бастап халықаралық мектептерден басқа, сыныпта 15 балаға дейін білім беру объектілерінің жұмысын онлайн-оқыту режимінде ұйымдастыру;
• оффлайн-режимде оқитын оқушылар арасында коронавирустық инфекция ауруының бір жағдайын тіркеу кезінде ата-аналардың өтініші бойынша барлық сыныптарды онлайн-оқытуға көшіруге қатаң түрде жол беріледі;
• қабылданатын шаралар туралы бұқаралық ақпарат құралдарында, әлеуметтік желілерде және мессенджерлерде түсіндіру.

Қаулының толық нұсқасы мына жерде.

Қостанай ​​облысының бас санитар дәрігері В. Нечитайло карантин талаптарына бірқатар өзгерістер енгізді.

Бас санитар дәрігер жұмыс күндері сағат 06:00-ден 21:00-ге дейін облыс аумағында қоғамдық көліктің жүруін және демалыс күндері қоғамдық көлік жұмысының тоқтатылуын ұсынды.

Қаулыға сәйкес:

• жабық спорт нысандарының жұмысына тыйым салу;
• қоғамдық тамақтану орындарында бір үстел басында 4 адамнан артық болмауға рұқсат етіледі. Алып кету және жеткізу жұмыстары 22:00-ге дейін шектелген;
• қала сыртындағы жол бойындағы сервис қоғамдық тамақтандыру пункттеріне уақыт бойынша өзімен алып кетуге және жеткізуге ғана жұмыс істеуге рұқсат етілген;
• бассейндердің, оның ішінде моншалар мен сауналардың жұмысына тыйым салынады;
• сауналар мен моншалардың жұмысы 9:00-ден 19:00-ге дейін шектелген;
• санаторийлер мен демалыс базаларының жұмысы тоқтатылды;
• демалыс және мереке күндері авто және ауыл шаруашылығы техникаларына арналған қосалқы бөлшектерді сататын дүкендердің жұмысына тыйым салынады;
• медициналық-әлеуметтік саланың жұмысы карантин режиміне ауыстырылады;
• балалар секцияларының, үйірмелер мен факультативтердің жұмысына тыйым салынады;
• профилактикалық егулерден басқа, жоспарлы скринингтер көрсету тоқтатылады.

Қаулының толық нұсқасымен танысыңыз.

Сондай-ақ Ақтөбе облысының бас санитар дәрігері Н. А. Беркімбаеваның карантинді күшейтуге қатысты қаулысында аталған нысаналарға тыйым салынады:

• конференциялар, көрмелер, форумдар, ойын-сауық, спорттық, сондай-ақ адамдар көп жиналатын отбасылық, салтанатты, естелік және басқа да іс-шараларды, оның ішінде үйде, митингтер, шерулер, жиындар және т.б.өткізуге; 
• кезекші топтарды қоспағанда, мектепке дейінгі балалар мекемелерінің қызметіне;
• қала саябақтарында, жағалауларында, скверлерінде балалар мен ересектерге арналған қозғалыс құралдарын (электромобильдер, педальды автомобиль, самокаттар, картингтер, пейнтбол, автодромдар, гироскутерлердің барлық түрлері және т.б.) жалға алуға:
• бастауыш, орта және негізгі орта деңгейдегі білім беру ұйымдарындағы асхана жұмысына;
• демалыс және мереке күндері: сауда-ойын-сауық орталықтарының, алаңы 2000 және одан да көп ш. м. сауда объектілерінің жұмысын тоқтата тұру, ондағы азық-түлік супермаркеттері мен дәріханаларды қоспағанда;
• азық-түлік емес және азық-түлік сататын жабық базарлардың жұмысын тоқтата тұру;
• айырбастау пункттері, ломбарттардың қызметіне жұмыс кестесін белгілей отырып сағат 10.00 – 20.00 дейін жұмыс жасау.

Қаулының толық нұсқасы мына сілтемеде.

Павлодар облысының бас санитар дәрігері Б. Әлиев 13-ші қарашада карантиндік шаралар туралы қаулысына өзгерістер мен толықтырулар енгізді.

Аталған қаулыға сәйкес азық-түлік дүкендерінің қызметі 08:00-ден 22:00-ге дейін жұмыс жасай алады.

Қаулының толық мәтіні мына сілтемеде.

Ал Қарағанды ​​облысының мемлекеттік бас санитар дәрігері Юрий Залыгин карантин талаптарына өзгерістер енгізді.

Жаңа қаулы бойынша қалада санитариялық шараларды күшейте отырып, объектілердің жұмысы 09:00-ден 22:00-ге дейін шектеледі. 

Сондай-ақ аталған нысандардың жұмысына тыйым салынады: 

• ойын-сауық мекемелер (караоке, бильярд, компьютерлік клубтар, жабық үй-жайлардағы балалар ойын алаңдары т.б.);
• фудкорт, банкет залдарына;
• қалалық және қоғамдық жағажайлар;
• шаштараз, сұлулық салондары карантиндік шараларды сақтай отырып, клиенттердің алдын-ала жазылуы бойынша қабылдайды.

Қаулының толық нұсқасы.