• USD 468.56

  • EUR 497.56

  • RUB 7.3

  • CNY 67.18

28 Наурыз, 19:41:30
Алматы
+35°

Денсаулық сақтау вице-министрі, Қазақстанның бас мемлекеттік санитар дәрігері Ерлан Қиясов елдегі эпидемиологиялық жағдайды мәлімдеді. 

– Қазақстан бүгінгі күні "жасыл" аймақта. Қазіргі уақытта COVID-19 таралуы бойынша төменгі тәуекел аймағында тұр. 9 желтоқсанға сәйкес COVID-19 оң нәтижелі 138 382 науқас және КВИ-пневмониясымен 43 339 жағдай тіркелді. Қызыл аймақта 2 аумақ: олар Солтүстік Қазақстан және Павлодар облыстары, – деді ол.

Бас санитар дәрігердің айтуынша соңғы 2 апта ішінде коронавирус инфекциясымен ауыратындар 10% (11 бастап 24 қарашаға дейін – 9 410 жағдай, 25 қарашадан бастап 8 желтоқсанға дейін – 10 802) жоғарылап отыр.

– Тәуекелі жоғары өңірлерде күшейтілген шаралар сақталды. Сырқаттанушылықтың өсуі жоқ өңірлерде біртіндеп карантиндік шараларды жеңілдету енгізілуде. Мысалы, бірқатар өңірлерде ашық азық-түлік базарларының қызметіне рұқсат етілген, сауда-ойын-сауық орталықтарының жұмыс тәртібі өзгерді. Осы ретте, барлық аумақтарда кез-келген ұжымдық мерекелерді өткізуге тыйым салынған, – деп атап айтты ол.

Ерлан Қиясов қазақстандықтарды ұзақ демалыс күндері және жаңа жылдық мерекелердің жақындағанын ескере отырып, коронавирустық инфекцияның алдын-алу шараларын сақтауға шақырды.

 

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір