• USD 427.41

  • EUR 519.47

  • RUB 5.78

  • CNY 66.38

18 Мамыр, 02:31:45
Алматы
+13°

Президент парламент сенатының төрағасы Мәулен Әшімбаевты қабылдады, деп хабарлады Ақорда сайты.

Сайт мәліметінше, Әшімбаев мемлекет басшысына жоғарғы палатаның биылғы заң шығару қызметінің негізгі қорытындылары туралы ақпарат берген.

Сенат спикері президенттің Қазақстан халқына арнаған жолдауында айтылған мәселелерді іске асыруды қамтасыз етуге бағытталған заңдардың қабылданғанына тоқталды.

"Атап айтқанда, жаңа "Экологиялық кодекс", "Техникалық реттеу туралы туралы" заң, "Қазақстан Республикасының кейбір заңнамалық актілеріне Мемлекет басшысының "Жаңа жағдайдағы Қазақстан: іс-қимыл кезеңі" атты Қазақстан халқына жолдауының жекелеген ережелерін іске асыру мәселесі бойынша өзгерістер мен толықтырулар енгізу туралы» заң қабылданған. Мәулен Әшімбаев аталған құжаттардың барлығы еліміздің әлеуметтік-экономикалық дамуын, халқымыздың тұрмыс сапасын арттыруға бағытталғанын атап өтті" делінген хабарламада.

Қасым-Жомарт Тоқаев алдағы уақытта елімізде саяси жаңғырту және экономикалық даму бағдарламаларының жалғасатынын, басқа салалар бойынша да ауқымды жұмыстардың атқарылатынын айтып, сенатқа аталған бағыттарды заңмен қамтамасыз етуді тапсырды.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Баннер

Пікір қалдыру

пікір