Тоқаев кейбір заңнамалық актілеріне өзгеріс енгізді

Президент  Қасым-Жомарт Тоқаев білім беру туралы заңға өзгерістер енгізгенін хабарлады. 

"Қазақстан Республикасының кейбір заңнамалық актілеріне білім беру мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", делінген ресми сайт хабарламасында.

Заңның мәтіні баспасөзде жарияланады.

Учет.kz порталының мәліметіне сүйенсек, 29 желтоқсанда заңда "қашықтықтан білім беру" ұғымы бекітілген.

– Жаңа кезең білім беру жүйесіне жаңа талаптар қойылады. (...) Әлемді дүр сілкіндірген пандемия біздің елімізді де айналып өтпеді. Бұл бірінші кезекте білім беру және денсаулық сақтау секторларына қатысты болды. Оқу процесі қиындықтарға қарамастан үздіксіз жүріп жатқанын білесіз. Осы уақытқа дейін заңнамада қашықтықтан білім берудің бірыңғай тұжырымдамасы болған жоқ. Енді мұнда "қашықтықтан оқыту" ұғымы нақтыланып, оны өткізу тәртібі анықталды, – деп түсіндірді сенатор Бақытжан Жұмағұлов 29 желтоқсанда заң жобасын таныстыра отырып.

Сондай-ақ түзетулермен қатар оқулықтар сапасының проблемасын "түбегейлі шешу" көзделеді.

– Ол үшін білім беру саласындағы уәкілетті органға үлгілік жоспарларды, бағдарламаларды, оқулықтарды және оқу әдістемелік кешендер мен тестілеудің сараптамасын беру қажет. Мониторингтің арнайы ережелерін әзірлеу және бекіту тапсырылды. Бұл сапалы оқулықтар дайындауға және авторлардың жауапкершілігін арттыруға мүмкіндік береді, – деп түсіндірді сенатор.

 Сонымен қатар, студенттердің білім жетістіктерін анықтау үшін бақылау туралы ереже енгізіледі, бұл оқушылардың негізгі білім деңгейін анықтайды.

– Қазіргі уақытта Кәсіпкерлік кодексіне сәйкес түрлі тексерулерге тыйым салынған. Осыған байланысты білім беру сапасын бақылау мақсатында барлық мектепке дейінгі ұйымдарды, мектептерді, колледждерді бес жылда бір рет мемлекеттік аттестаттаудың заңнамалық тетігі әзірленді. Білім беру сапасын мемлекеттің назарында ұстау-қоғамдық-саяси маңызы бар маңызды қадам деп санаймын, – деп атап өтті Жұмағұлов.