Жаңа қаулы. Бекшин карантин талаптарына өзгеріс енгізді

2 сәуірде Алматының бас санитар дәрігері Жандарбек Бекшин жаңа қаулы жариялады.

Қаулыға сәйкес, 2020-2021 оқу жылының соңына дейін студенттер мен оқушылар қашықтан оқиды.

Қызметтеріне рұқсат беріледі:

• шаштараздар, косметологиялық және сұлулық салондары (орналасқан жеріне қарамастан);

• супермаркеттер, гипермаркеттер, тамақ өнімін сататын сауда желілері;

• ашық базарлар (азық-түлік және әмбебап), сондай-ақ жабық азық-түлік базарлары (жексенбіден басқа күндері);

• азық-түлік емес жабық әмбебап базарлар (сенбі-жексенбіден басқа);

• қоғамдық тамақтану объектілері.

Ал кітапханалар, балаларды сауықтыру лагерлерінің, білім мекемелеріндегі қоғамдық тамақтану объектілерінің қызметіне, кеңестерді көзбе-көз режимде өткізуге тыйым салынады.

Қаулының толық мәтіні мына жерде.