Алматы метросында тегін Wi-fi жұмыс істей бастады

Алматы метрополитенінің барлық бекеттерінде тегін Wi-fi іске қосылды. Байланыс метроға кіре-берісте, бекетке түскенге дейін жасалуы керек. Бұл туралы метрополитеннің баспасөз қызметі хабарлады.

– WI-FI-ға қолжеткізу үшін METRO желісіне қосылу қажет. WI-FI пайдаланушыны сәйкестендіру парағына автоматты түрде бағыттайды. Одан кейін сіз ашылатын өріске телефон нөміріңізді енгізіп, байланысты растауыңыз керек. Қала метрополитенінде ақысыз Wi-Fi-ға қолжетімдік біздің жолаушылар үшін жақсы сыйлық болды, – деп жазады "Метрополитен" КМК-нің баспасөз қызметінде.