06 Сәуір, 2021 NEWS
Фото: hcbarys.kz
Биыл сәуір, мамыр және маусым айларында өңірлерде ай сайын 2 млн адамға вакцина салу мүмкіндігі қамтамасыз етіледі. Бұл туралы үкімет отырысында премьер-министр Асқар Мамин айтты.
– Қазіргі біздің басты міндетіміз – санитарлық-эпидемиологиялық жағдайды тұрақтандыру және вакцина салғандардың санын арттыру. Осы бағытта нақты жұмыс ұйымдастырылды. Министрлік вакцинациялау бойынша жоспар әзірледі. Биыл сәуір, мамыр және маусым айлар аралығында өңірлерде ай сайын 2 млн адамға вакцина салу мүмкіндігі қамтамасыз етіледі.
Қыркүйек айында 10 миллионға жуық адамға вакцина салуды аяқтауды жоспарлап отырмыз. Содан кейін ұжымдық иммунитеттің жинақтаушы әсері күтіледі, – деді үкімет басшысы.
Сонымен қатар Мамин министрліктер мен әкімдіктерге бірқатар тапсырмалар берді.
– Денсаулық сақтау министрлігіне, әкімдіктерге вакцина алатындардың санын арттыру бойынша іс-шаралар қабылдауды және өңірлерге вакцинациялау жоспарына сәйкес вакцинаны жеткізуді қамтамасыз етуді тапсырамын.
Ақпарат және қоғамдық даму министрлігі медиа-жоспарды жаңартсын және денсаулық сақтау министрлігімен, әкімдіктермен бірлесіп вакцинациялаудың маңыздылығы туралы ақпараттық-түсіндіру жұмыстарын кеңінен жүргізсін, – деді премьер-министр үкімет отырысында.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір