Фото: Ашық дереккөз
Tesla компаниясының бас атқарушы директоры Илон Масктың Bitcoin туралы ойын кенеттен өзгеруі Bitcoin құнын 15%-ға төмендетті. Іле-шала криптовалютаға байланысты компаниялардың акциялары құлдырады.
Tesla компаниясы Bitcoin арқылы көлік құралдарын сатып алуды уақытша тоқтатты және оның орнына энергияны көп қажет етпейтін басқа сандық валюталарды зерттейтін болады. Бұл туралы компанияның бас атқарушы директоры Илон Маск Twitter парақшасында мәлімдеген болатын.
Мәлімдемеден кейін бүкіл криптовалюта нарығы шамамен 365 миллиардтан 2,06 триллион долларға дейін төмендеді: Bitcoin, Ethereum және Ripple XRP тез құлдырады.
Tesla компаниясы Bitcoin-ның қоршаған ортаға едәуір зиян тигізуі мүмкін екенін жариялауы оның акцияларының бейсенбідегі нарық алдындағы сауда-саттықта 2,7%-ға төмендеуіне әкелді.
Өткен айда ғана айналымға шыққан негізгі криптовалюта биржасы Coinbase 5%-ға төмендеді. 90,000 Bitcoin бар MicroStrategy 10% құлдырады, ал Twitter компаниясының бас атқарушы директоры Джек Дорсидің төлемдер фирмасы Square 2% төмендеді.
Криптоқорлар да қатты зардап шекті. Riot Blockchain және Marathon Digital Holdings 13%, BitDigital 6% төмендеді.
Айта кетейік, бұған дейін де Илон Масктың криптовалюта туралы ойлары мен жоспарлары сандық актив нарығының көтерілуі мен төмендеуіне айтарлықтай әсер еткен болатын.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір