Трамптың Facebook аккаунты 2 жылға бұғатталды

Facebook компаниясы АҚШ-тың экс-президенті Дональд Трамптың аккаунтын бұғаттауды екі жылға ұзартты. Компания бұрынғы президент аккаунтының болашағы туралы бірнеше ай бойы әлеуметтік медиада пікірталастардан кейін осындай шешім қабылдады.

"Трамп мырзаның қызметінен уақытша шеттетілуіне себеп болған жағдайлардың ауырлығын ескере отырып, оның әрекеттері біздің ережелеріміздің өрескел бұзылуына әкеп соқтырды деп санаймыз, бұл – жаңа хаттамаларға сәйкес ең жоғары жазаға лайық. Біз оның аккаунтын осы жылдың 7 қаңтарында алғашқы тоқтатылған күннен бастап екі жылға тоқтата тұрамыз" деді Facebook-тің ғаламдық істер жөніндегі вице-президенті Ник Клег.