АҚШ: Аптап ыстықтан ормандар өртеніп жатыр

Аптап ыстықтан АҚШ-тың батыс аймағындағы ормандар өртеніп жатыр. Бұл туралы Би-би-си ақпараттық агенттігі хабарлады.

Рекордтық ыстықтан туындаған өрт салдарынан кейбір елдімекендердегі халықты эвакуациялауға тура келген. Аризонада өрт сөндіру ұшағы құлап екі өрт сөндіруші қайтыс болған.

Ауаның құрғақтығы соншалық, өрт сөндіру кезінде жалынды басу үшін ұшақтан шашылған судың көп бөлігі жерге жетпей буланып кеткен.

Кеше Лас-Вегаста 47,2 градус ыстық болып, жаңа рекорд тіркелді. Жүздеген адам ыстық ауа райына байланысты қайтыс болған.