Дәрігер коронавируспен ауырған адам керең болып қалуы мүмкін екенін айтты

Коронавируспен ауырған кезде иіс пен дәм сезу ғана жоғалмайды, есту қабілеті де нашарлайды. Бұл туралы медицина ғылымдарының кандидаты Владимир Зайцев Sputnik радиосына берген сұхбатында айтты.

– Коронавирус инфекциясы – нейротропты вирус, ол жүйке жүйесін зақымдап, сенсоневральды кереңдікке әкеп соғуы мүмкін. Мұндай жағдайда есту жүйкесінің түкше жасушалары зақымданады, сөйтіп адамның құлағы естімей қалады, – деді маман.

Дәрігер ауру салдары болатындықтан, науқастарды өз бетінше емделмеуге шақырды.

– Вирус бізге ауа-тамшы арқылы жұғатындықтан, мұрын арқылы енетін инфекция жұтқыншақ арқылы да өтеді. Сол кезде есту түтігінде проблема пайда болып, евстахиитке (есту түтігінің қабынуы – ред) әкеп соғады. Егер есту қабілетіңіздің нашарлағанын байқасаңыз, шұғыл дәрігерге қаралу қажет. Өйткені дәрігер сізге себебін анықтап, емдеу жолын көрсетеді. Үйде өздігінен емделу жағдайды нашарлатып жіберуі мүмкін, – деп ескертті дәрігер.